«اقش ءۇشىن اۋعانستان ءجاي عانا كوللونيا ىسپەتتى. ال امەريكاندىق بيلىكتىڭ جوسپارى وست-ينديا كومپانياسى سەكىلدى» دەدى اۋعانستانداعى رف ەلشىسى زامير كابۋلوۆ «يزۆەستيا» باسىلىمىنا بەرگەن سۇحباتىندا دەپ حابارلايدى Qamshy.kz اقپارات اگەنتتىگى ريا نوۆوستي-گە سىلتەمە جاساپ.
جاقىندا USA Today باسىلىمى اق ءۇي اۋعانستانداعى اقش-تىڭ ارەكەتتەرىن جەكە جالداۋشىلارعا وتكىزۋ جوسپارى بار ەكەنى تۋرالى جازعان. باسىلىم مالىمەتتەرىنە سايكەس، بۇل جوسپار ترامپتىڭ ۇلتتىق قاۋىپسىزدىك جونىندەگى كەڭەسشىسى گەربەرتا ماكماستەر مەن قورعانىس ءمينيسترى دجەيمس مەتتيستىڭ قاۋىپتەنۋىنە قاراماستان جۇزەگە اسۋ ۇستىندە.
Blackwater اسكەري كومپانياسىنىڭ نەگىزىن قالاۋشى ەريكا ءپرينستىڭ بولجاۋىنشا، اۋعانستان اسكەري كۇشىن 5،5 مىڭ ارنايى قىزمەتكەرلەرى جاتتىقتىراتىن بولادى.
«ماسكەۋ ەشقاشان اقش اسكەرىن اۋعانستاننان شىعارۋعا اسىققان ەمەس. الايدا اقش اسكەرىنىڭ قولىنان ءقازىر ەشتەڭە كەلمەيتىندىكتەن اۋعانستاننان شىعۋى كەرەك. اۋعانستانداعى امەريكاندىق كامپانيا ىستەن شىقتى. اۋعانستان حالىقارالىق تەرروريزمنىڭ الەمدىك ينكۋباتورىنا اينالىپ كەتۋى مۇمكىن»-دەدى كابۋلوۆ.
