قازاقستان مەن قىرعىزستان شەكاراسىندا اتىس بولدى دەپ حابارلايدى Qamshy.kz اقپارات اگەنتتىگى ق ر ۇقك باسپا ءسوز قىزمەتىنە سىلتەمە جاساپ. سونىڭ ناتيجەسىندە شابۋىلداۋشىلاردىڭ ءبىرى جارالاندى. بەلگىلى بولعانداي ول – قازاقستان ازاماتى.

«قازاقستان شەكاراسىنان زاڭسىز وتپەك بولعاندار – قازاقستان ازاماتتارى. كوز جۇمعان ادام دا  –قازاقستان ازاماتى» دەپ «ينفورمبيۋرو»-عا ۆەدومستۆا باسپا ءسوز قىزمەتى حابارلادى.

ۇقك-دا زاڭ بۇزۋشىلاردىڭ قىرعىزستان تەرريتورياسىنا كىرۋگە تالپىنعانى ايتىلادى.

وقيعا 12 تامىزدا جامبىل وبلىسىنداعى قازاقستان مەن قىرعىزستاننىڭ شەكاراسىندا بولعان. 15 ادام شەكارادان زاڭسىز وتۋگە تالپىنعان. ولاردىڭ كىم ەكەنى ءالى انىقتالعان جوق. زاڭ بۇزۋشىلار شەكاراشىلاردىڭ ەسكەرتۋىن تىڭداماعان. سوندىقتان ولار اتۋعا ءماجبۇر بولدى.

«اتىستىڭ ناتيجەسىندە شابۋىلداۋشىلاردىڭ ءبىرى جارالاندى. قالعاندارى جارالى ادامدى كوتەرىپ، قازاقستانداعى جاقىن ماڭداعى اۋىلعا قاشىپ كەتكەن. جارالانعان ادامنىڭ كوز جۇمعانى بەلگىلى بولدى» دەلىنگەن حابارلامادا.

ءقازىر باسقا دا زاڭ بۇزۋشىلار ىزدەستىرىلۋدە.