استانادا ەۋرازيالىق ەكونوميكالىق وداققا مۇشە مەملەكەتتەردىڭ ۇكىمەت باسشىلارى كەزدەسۋ وتكىزدى، دەپ جازادى Qamshy.kz اقپارات اگەنتتىگى.

كەزدەسۋ بارىسىندا باستى نازار ەەو كۇن تارتىبىندەگى جۇزەگە اسىرىلۋى ءتيىس باعىتتار، ساۋدانىڭ ەلەكتروەنەرگيادا پايدالانىلۋى مەن باقىلانۋى ماسەلەسىنە اۋدارىلادى.

سونىمەن قوسا، ۇكىمەت باسشىلارى وتىرىسىندا ەەو پەن يسلام رەسپۋبليكاسى يران اراسىنداعى ەركىن ساۋداعا جول اشاتىن ۋاقىتشا كەلىسىمنىڭ قورىتىندىسى جونىندە بايانداما تىڭدالادى. يرانمەن كەلىسىمگە كەلۋ ارقىلى ءونىمدى تاۋار نارىعىنا شىعارۋ مۇمكىندىگىنە قول جەتكىزۋگە بولادى.

كۇن تارتىبىندەگى ەڭ ماڭىزدى پۋنكت ەەو مۇشە مەملەكەتتەردىڭ بىرىنە بەرىلەتىن ۇلتتىق جانە حالىقارالىق جۇرگىزۋشى كۋالىكتەرىن تانۋ ماسەلەسى بولماق.

قازاقستاندىق تاراپتىڭ باستاماسىمەن ەەو مۇشە مەملەكەتتەرىنىڭ ەكcپورتتاۋشىلارىنا رف ينفراقۇرىلىم تەڭىز پورتتارىنىڭ قىزمەتىنە قول جەتكىزۋگە مۇمكىندىك بەرۋ ماسەلەسى قارالادى.