ۆەنەسۋەلانىڭ پۋەرتو-اياكۋچو قالاسىنداعى تۇرمەدە بۇلىك شىعىپ، 37 تۇتقىن قازا تاپتى. بۇل تۋرالى Qamshy.kz اقپارات اگەنتتىگى Nacional مالىمەتىنە سۇيەنىپ حابارلايدى.
وقيعا اباقتىنى باقىلاۋعا الۋ ماقساتىندا جۇرگىزىلگەن ارنايى وپەراسيا كەزىندە بولعان. قاماۋداعىلار ساربازدارعا قارۋلى قارسىلىق كورسەتىپ، ونىڭ سوڭى كەسكىلەسكەن ۇرىسقا ۇلاسقان. جاۋىنگەرلەر اباقتىنى باقىلاۋعا العانىمەن، 14 سارباز جارالاندى. ال وقيعا كەزىندە تۇرمەدە 105 ادام بولعان. ازىرگە ءبۇلىتىڭ نەدەن شىققانى بەلگىسىز. ۆەنەسۋەلا پروكۋراتۋراسى وقيعاعا قاتىستى تەرگەۋ جۇمىستارىن باستادى.
