امەريكا مەن سولتۇستىك كورەيا اراسىنداعى شيەلەنىسكەن بايلانىس اقش پەن  جاپونيا اراسىنداعى  اسكەري كەلىسىمنىڭ نىعايۋىنا سەبەپ بولدى. بۇل تۋرالى Qamshy.kz اقپارات اگەنتتىگى گولوس امەريكي مالىمەتىنە سۇيەنىپ حابارلايدى.

«سولتۇستىك كورەيامەن اراداعى كۇردەلى ماسەلەگە بايلانىستى اقش پەن جاپونيا اراسىنداعى اسكەري ىنتىماقتاستىقتى نىعايتۋ بويىنشا جۇمىستار جۇرگىزىلۋدە. سونىمەن قاتار، جاپونياداعى امەريكا اسكەرىنىڭ كۇش قۋاتىن ارتتىرۋدى جوسپارلاپ وتىرمىز»، – دەپ مالىمدەدى اقش-تىڭ قورعانىس ءمينيسترى دجەيمس مەتتيس.

اعىمداعى اپتادا سولتۇستىك كورەيالىق ب ا ق بەتتەرىندە ەلدىڭ كوشباسشىسى كيم چەن ىن «ۋاقىتشا» بالليستيكالىق زىمىران ۇشىرۋدى توقتاتاتىنى تۋرالى حابارلانعان بولاتىن.

سونىمەن قاتار، پحەنياننىڭ سەس كورسەتۋى جاپونيا مەن اقش وكىلدەرىنىڭ كەزدەسۋى بارىسىندا باستى قوزعالعان تاقىرىپ بولدى. اقش جاعىنان كەلىسسوزگە ەلدىڭ قورعانىس ءمينيسترى دجەيمس مەتتيس پەن مەملەكەتتىك دەپارتامەنت باسشىسى رەكس تيللەرسون قاتىستى.

كەلىسسوزدەر ناتيجەسىندە اقش جاپونيا جەرىنە ءوزىنىڭ ەڭ كۇشتى، زاماناۋي قارۋلارىن ورنالاستىرادى. ال وعان جاۋاپ رەتىندە جاپونيا ءوزىنىڭ قورعانىسىن كۇشەيتەدى.

جاپونيانىڭ سىرتى ىستەر ءمينيسترى تەرو كونونىڭ ايتۋىنشا، جاپونيا الداعى ۋاقىتتا شىعىس ازياداعى قورعانىس سالاسىنداعى كەمەلەرگە 500 ميلليون دوللار جۇمساماقشى.

ايتا كەتسەك، الداعى دۇيسەنبىدە اقش پەن وڭتۇستىك كورەيانىڭ اسكەريلەرى بىرلەسكەن وقۋ-جاتتىعۋلارىن وتكىزەدى.