وزبەكستان پرەزيدەنتى شاۆكات ميرزيەيەۆ 17 تامىزدا وزبەكستاندا رەسمي ساپارمەن جۇرگەن قازاقستاننىڭ قورعانىس ءمينيسترى ساكەن جاسۇزاقوۆتى قابىلدادى دەپ جازادى Qamshy.kz اقپارات اگەنتتىگى.

وزبەكستاندىق  ورتالىق جاڭالىقتار قىزمەتىنىڭ مالىمەتىنە سۇيەنسەك، قورعانىس ءمينيسترى ساكەن جاسۇزاقوۆ ءوزىن جىلى قابىلداعان وزبەكستان پرەزيدەنتىنە العىسىن ءبىلدىرىپ، ەلباسى نۇرسۇلتان نازاربايەۆتىڭ اتىنان تابىستى ەڭبەك پەن شىنايى سالەمىن جولدادى. سونداي-اق، مينيستر قازاقستان مەن وزبەكستان اراسىندا اسكەري-تەحنيكالىق قارىم-قاتىناستىڭ دامۋىنا مۇددەلى ەكەنىن ءارى بىرلەسىپ جۇمىس ىستەۋگە دايىن ەكەنىن بىلدىرگەن.

كەزدەسۋ بارىسىندا ەكى ەل اراسىنداعى اسكەري-تەحنيكالىق ىنتىماقتاستىق ماسەلەلەرى تالقىلانعان. اتاپ ايتقاندا، تاراپتار وزبەكستان مەن قازاقستاننىڭ قورعانىس مينيسترلىگىنىڭ ءوندىرىس كووپەراسياسى مەن اسكەري كادر دايىنداۋدا ءوزارا ءىس-قيمىلدارىن ءتيىمدى دامىتۋدى تالقىلادى.