وقو سايرام اۋداندىق سوتى 27 جاستاعى تۇرعىندى الەۋمەتتىك جەلى ارقىلى ازاماتتاردى سيرياعا بارۋعا ۇگىتتەگەنى ءۇشىن 5 جىلعا باس بوستاندىعىنان ايىردى دەپ حابارلايدى Qamshy.kz اقپارات اگەنتتىگى kazislam.kz سايتىنا سىلتەمە جاساي وتىرىپ.
سۋديا سالتانات قابىلوۆا سوت بارىسىندا ءابىلقاسىم قاجىرحانوۆتىڭ ۇيالى تەلەفون ارقىلى الەۋمەتتىك جەلىلەردە تەرروريزمدى ناسيحاتتاعانى ءۇشىن سوتتالاتىنىن ايتتى. ول ق ر قىلمىستىق كودەكسىنىڭ 256 بابى 2 بولىگىمەن «تەرروريزمدi ناسيحاتتاۋ نەمەسە تەرروريزم اكتiسiن جاساۋعا جاريا تۇردە شاقىرۋ» ارەكەتى بويىنشا كىنالى دەپ تانىلىپ، 5 جىلعا باس بوستاندىعىنان ايىرىلدى. جازانى وتەۋ مەرزىمى 2017 جىلعى 20 ساۋىرگە بەلگىلەندى.
ەسكە سالايىق، تەرگەۋ بارىسىندا ايىپتالۋشى ۆكونتاكتە الەۋمەتتىك جەلىسىنە تىركەلىپ، ۇزاق ۋاقىت ەكسترەميستىك ناسيحات جۇمىستارىن جۇرگىزگەن. ول قاسيەتتى مۇسىلماندار سوعىسىنا قاتىسۋعا، ەكسترەميستىك توپتارعا قولداۋ كورسەتۋگە شاقىراتىن ماتەريالدار سالىپ وتىرىپتى. تاياۋ شىعىس پەن سيريادا جيھاد جاساۋعا ۇگىتتەگەن. ونىڭ اكەسى دە وسىنداي زاڭعا قايشى ارەكەتى ءۇشىن جازاسىن وتەۋدە ەكەن.
