شىمكەنتتە قۇتىرۋ دەرتىنەن ءۇش بىردەي تۇرعىن قايتىس بولدى. بۇل تۋرالى Qamshy.kz اقپارات اگەنتتىگى 31-ارناسىنا سۇيەنىپ حابارلايدى. ولاردىڭ ءبارى دە يت تىستەگەننەن كەيىن دارىگەرگە قارالماعان.
«بىزگە شىمكەنت قالاسى اباي اۋدانىنا قاراستى جاڭاتالاپ اۋىلىندا 1995 جىلعى جىگىتتىڭ قۇتىرۋدان قايتىس بولعانى حابارلاندى. بۇل دەرەككە قاتىستى ءبىزدىڭ تاراپتان ءقازىر ەپيزووتلوگيالىق تەكسەرۋ جۇرگىزىلىپ جاتىر. ونى تىستەگەن يت ءقازىر باقىلاۋىمىزدا. ونى ون كۇن بويى تەكسەرىپ كورەمىز»، – دەيدى وقو بويىنشا ۆەتەريناريالىق ينسپەكسيا ءبولىمىنىڭ باسشىسى.
40 جىل بويى مال دارىگەرى بوپ جۇمىس ىستەپ جۇرگەن وشانباي جولداسوۆ تۇرعىنداردىڭ ءۇي جانۋارلارىنا سالعىرت قارايتىنىن ايتىپ وتىر. ياعني، دەر كەزىندە ءتۇرلى اۋرۋلاردىڭ الدىن الاتىن تەگىن ەكپەلەردى ەكتىرمەيدى ەكەن.
