الماتى پوليسەيلەرى كەزەكتى تەكسەرۋ كەزىندە بىرنەشە كۇن بويى ماس اناسىمەن ءبىر ۇيدە جۇرگەن كىشكەنتاي بالانى تاپقان دەپ حابارلايدى Qamshy.kz اقپارات اگەنتتىگى patrul.kz-كە سىلتەمە جاساپ.
جەتىسۋ اۋدانىنىڭ پوليسەيلەرى بۇل وتباسىن بىلەدى. بالانىڭ اناسى اركەز ەندى ىشپەيتىنىن ايتىپ اقتالادى ەكەن. راسىمەن دە ايەل بىرنەشە ۋاقىت ءىشۋىن توقتاتىپ، جۇمىسقا تۇرعان. الايدا بىرنەشە ۋاقىتتان كەيىن ەسكى ادەتىنە قايتا باسقان.
كىشكەنتاي بالا پوليسەيلەرگە وسى ۋاقىتقا دەيىن تەك نان، سۋمەن عانا قورەكتەنىپ جۇرگەنىن ايتقان. ءقازىر بالانىڭ ومىرىنە ەشقانداي ءقاۋىپ ءتونىپ تۇرعان جوق. ول ءقازىر الماتىداعى بالالار ۇيىندە.
پىكىر قالدىرۋ