قازاقستان رەسپۋبليكاسى ۇلتتىق بانكىنىڭ ءتوراعاسى دانيار اقىشيەۆ باسپا ءسوز ماسليحاتىندا تامىزدىڭ باسىندا تەڭگەنىڭ السىرەۋىنە قاتىستى پىكىر ءبىلدىردى دەپ حابارلايدى Qamshy.kz اقپارات اگەنتتىگى sputniknews.kz-كە سىلتەمە جاساي وتىرىپ. 

«تامىزدىڭ باسىندا تەڭگە ديەۆالۆاسياسى بولۋى مۇمكىن دەگەن الەۋمەتتىك جەلىلەر مەن باق-تاعى قاۋەسەتتەر مەن جاعىمسىز جاريالىمدار اسەرىنەن تەڭگە باعامى جوعارى اۋىتقۋلىقتى كورسەتتى. ءىس جۇزىندە باعامنىڭ اۋىتقۋىن دالەلدەيتىن ىرگەلى وزگەرىس بولعان جوق»، – دەدى دانيار اقىشيەۆ. 

ونىڭ سوزىنە قاراعاندا، قازىرگى ۋاقىتتا ۆاليۋتالىق نارىقتا جاعداي تۇراقتالعان. وسىلايشا، 22 تامىزعا ايىرباس باعامى ءبىر اقش دوللارى ءۇشىن 333،8 تەڭگە مولشەرىندە قالىپتاستى. 

بۇگىن قازاقستان قور بيرجاسىندا تاڭعى ساۋدا ءبىر دوللار ءۇشىن 333 تەڭگە مولشەرىندە جابىلدى.