كولۋمبيانىڭ باتىسىنداعى چوكو ايماعىندا اپتا بويى تولاسسىز جاۋعان جاۋىننان لورو قالاشىعىن سۋ باستى دەپ حابارلايدى Qamshy.kz اقپارات اگەنتتىگى vesti.ru-عا سىلتەمە بەرىپ.
تاسقىننان 1 مىڭنان اسا ءۇي ءبۇلىنىپ، 800 وتباسى ءقاۋىپسىز جەرگە كوشىرىلدى. تابيعات اپاتىنان قازا تاپقاندار تۋرالى اقپار جوق. قۇتقارۋ جۇمىستارىنا اسكەريلەر جۇمىلدىرىلعان. جەرگىلىكتى بيلىكتىڭ مالىمدەۋىنشە، 5 بىردەي وزەن ارناسىنان اسىپ، ەلدى-مەكەندەرگە ءقاۋىپ توندىرە باستاعان.
اۋا رايىن بولجاۋشىلار كەلەسى اپتا دا جاۋىندى بولادى دەپ ەسكەرتتى. ال اقش-تىڭ ورتالىق ايماعىندا جاۋعان جاڭبىردان كەيىن كانزاس-سيتي قالاسىنىڭ وڭتۇستىك بولىگىندە تاسقىن ءجۇرىپ، ۇيلەردى سۋ باستى. ازىرگە تابيعات اپاتىنان جاپا شەككەندەر تۋرالى مالىمەت جوق.
