گرۋزياداعى ورمان ءورتى ىرىق بەرەر ەمەس. جەرگىلىكتى بيلىك وزدەرىنىڭ شاماسى جەتپەگەن سوڭ وزگە ەلدەردەن جاردەم سۇراپ وتىر. ازەربايجان، تۇركيا مەن بەلارۋس كومەك قولىن سوزۋعا ءازىر ەكەندەرىن جەتكىزدى. بۇل تۋرالى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ حابارلايدى.
ال ماماندار وسىمەن ءۇشىنشى كۇن بورجومي شاتقالىنداعى ءتىلسىز جاۋمەن كۇرەسىپ جاتىر. الايدا ارنايى تەحنيكانىڭ ورماندى القاپقا قاتىناۋى قيىنعا سوعىپ تۇر.
سوڭعى مالىمەت بويىنشا وت 12 گەكتار اۋماقتى شارپىپ ۇلگەرگەن. بورجومي شاتقالىندا ورشىگەن ءورتتى سوندىرۋگە جارتى مىڭعا جۋىق ادام جۇمىلدىرىلدى. الايدا قىزىل جالىن ىرىق بەرەر ەمەس. ءقازىر اپاتتى ايماقتا توتەنشە شتاب قۇرىلىپ، ونى گرۋزيا پرەمەر-مينيسترىنىڭ ءوزى باسقارىپ وتىر.
