قازاقستاندا قىلمىستىق پروسەستى رەفورمالاۋ اياسىندا سوتقا دەيىنگى تەرگەۋ ورگاندارىنىڭ اتقارعان ارەكەتتەرىمەن ازاماتتاردى حابارلاۋ مىندەتتەلدى دەپ حابارلايدى Qamshy.kz اقپارات اگەنتتىگى. بۇل تۋرالى جوعارعى سوت سۋدياسى ەربول راحىمبەكوۆ ءوزىنىڭ Facebook-تەگى پاراقشاسىندا مالىمدەدى.
ازاماتتاردىڭ قۇقىقتارى مەن بوستاندىقتارىن قورعاۋدىڭ دەڭگەيىن جوعارىلاتۋ ماقساتىندا ەندىگىدەن باستاپ بەلگىلى ءبىر ازاماتقا قاتىستى تەرگەۋ ارەكەتتەرى جۇرگىزىلەتىن بولسا، ول ءوزى تۋراسىندا قوزعالعان، جۇرگىزىلىپ جاتقان تەرگەۋ ارەكەتتەرى مالىمەتتەرىن ءبىلىپ وتىرۋعا قۇقىلى. سونىڭ ىشىندە تەلەفون تىڭدالۋ ماسەلەسى دەپ اتاپ كورسەتىلدى.
ونىڭ حابارلاۋىنشا، قىلمىستىق پروسەستى رەفورمالاۋ شارالارى 6 ءتاسىل بويىنشا جۇزەگە اسادى.
«قازىرگى ۋاقىتتا جوعارعى سوت وكىلدەرىمەن اتالعان زاڭ جوباسى بويىنشا جۇمىستار جۇرگىزىلىپ جاتىر. جاقىن ارادا كوپشىلىكتىڭ نازارىنا ۇسىنىلاتىن بولادى»-دەپ جازادى ەربول راحىمبەكوۆ.
