جامبىل وبلىسى جامبىل اۋداندىق سوتىندا قۇقىق بۇزۋشى م.-عا قاتىستى قازاقستان رەسپۋبليكاسىنىڭ اكىمشىلىك قۇقىق بۇزۋشىسى تۋرالى كودەكسىنىڭ 669-بابىمەن (سوت ۇكىمىن، سوت شەشىمىن نەمەسە وزگە دە سوت اكتىسىن جانە اتقارۋشىلىق قۇجاتتى ورىنداماۋ) (ءماتىن بويىنشا ءارى قاراي ق ر اقبتك) اكىمشىلىك ءىسى قارالدى دەپ حابارلايدى Qamshy.kz اقپارات اگەنتتىگى جامبىل وبلىستىق سوتىنىڭ باسپا ءسوز قىزمەتىنە سىلتەمە جاساپ.

15.12.2015 جىلعى جامبىل اۋداندىق سوتىنىڭ سوت بۇيرىعىنا سايكەس، بورىشكەر م.-دان كامەلەتتىك جاسقا تولماعان بالالارىن اسىراپ باعۋ ءۇشىن 14.12.2015 جىلدان باستاپ بارلىق تاپقان تابىسىنىڭ 1/2 بولىگىندە اليمەنت وندىرىلگەن. الايدا، م. سوت بۇيرىعىن ورىنداۋدان جالتارىپ، اليمەنت تولەمەگەن. وسىنىڭ ناتيجەسىندە ونىڭ اليمەنت بويىنشا بەرەشەگى 1 156 799 (ءبىر ميلليون ءجۇز ەلۋ التى مىڭ جەتى ءجۇز توقسان توعىز) تەڭگەنى قۇراعان.

سوت وتىرىسى بارىسىندا، قۇقىق بۇزۋشى م. كىناسىن مويىنداپ، الداعى ۋاقىتتا اليمەنت بەرەشەگىن تولىق تولەيتىنىن ايتتى.

سوت قاۋلىسىمەن م.-عا ق ر اقبتك-نىڭ 669-بابى بويىنشا 3 تاۋلىككە اكىمشىلىك قاماققا الۋ تۇرىندەگى جازا تاعايىندالدى.

سوت قاۋلىسى زاڭدى كۇشىنە ەنگەن جوق.