قازاقستان مەن پولشانىڭ ساۋدا-ساتتىق قاتىناسى ورتا ازياداعى وزگە مەملەكەتتەرمەن سالىستىرعاندا 80%-عا جوعارى. ەكى ەل اراسىندا 24 حالىقارالىق كەلىسسوزگە قول قويىلىپ، 15 ءىرى جوبانىڭ كەلىسىم-شارتى قارالۋ ۇستىندە. 2016 جىلى ق ر پرەزيدەنتى ن.ءا. نازاربايەۆ پولشا رەسپۋبليكاسىنا بارعان رەسمي ساپارىندا قۇنى 845 ملن. دوللاردى قۇرايتىن 12 جوبا قاراستىرىلعان. ەكونوميكا سالاسىنداعى بۇل جوبالار ەكى ەلدە ىسكە اسىرىلۋدا دەپ حابارلايدى Qamshy.kz اقپارات اگەنتتىگى. 

رەسمي ساپار ناتيجەسىندە پولشا رەسپۋبليكاسى قازاقستانعا 207 ملن. دوللار ينۆەستيسيا سالدى. ەكونوميكالىق دەكلوراسياعا قول قويىلىپ، اۋىلشارۋاشىلىعى سالاسى بويىنشا ۇكىمەتارالىق كەلىسىم جاسالدى. پولشا-قازاقستان بيزنەس فورۋمى ۇيىمداستىرىلىپ، وعان قازاقستاندىق 400-دەن استام كومپانيا قاتىستى. بۇل تۋرالى ورتالىق كوممۋنيكاسيالار قىزمەتىنىڭ «قازاقستان-پولشا ەكونوميكالىق ىنتىماقتاستىعىنا» ارنالعان باسپا ءسوز كونفەرەنسياسىندا ايتىلدى. پولشانىڭ قازاقستانداعى ەلشىلىگىنىڭ وكىلى ت.زاپالسكييدىڭ قاتىسۋىمەن وتكەن ءباسپاسوز-جيىندا ەكسپو-2017 كورمەسىنە پولشانىڭ پرەزيدەنتى اندجەي دۋدانىڭ ساپارى جوسپارلانعانى بەلگىلى بولدى. 6-7 قىركۇيەكتە پولشانىڭ ۇلتتىق كۇنى جانە قازاقستان-پولشا بيزنەس-فورۋمى جوسپارلانعان.

– بۇل قازاقستان-پولشا كاسىپكەرلەرىنىڭ ەكىنشى فورۋمى. فورۋمدى ۇيىمداستىرۋ جاڭا ەكونوميكالىق ىنتىماقتاستىقتىڭ باعىتتارىن تالقىلاۋعا، سونىڭ ىشىندە «ءبىر بەلدەۋ، ءبىر جول» جىبەك جولى جوبالارىن دامىتۋ جاعدايى، سونداي-اق، ىسكەرلىك بايلانىستاردى ودان ءارى كەڭەيتۋ، ەكونوميكالىق ءوزارا ارەكەتتەستىكتىڭ دەڭگەيىن ۇلعايتۋ جانە قازاقستان رەسپۋبليكاسىنا پولياك ينۆەستيسيالارىن ۇلعايتۋعا تاماشا مۇمكىندىك بەرەدى دەدى، – ت.زاپالسكيي.

وتكەن جىلى ۆارشاۆادا وتكەن فورۋمعا 140-تان استام كومپانيا قاتىسقان. سونىمەن قاتار باسپاسوز-كونفەرەنسياعا قاتىسقان ەكسپو-2017 كورمەسى پولشا ءبولىمىنىڭ باس كوميسسارى ا.ستەفانسكيي، تاراپتار اراسىندا ەكسپو كورمەسىن وتكىزۋ بويىنشا بولاشاقتا كەڭەستەر ۇيىمداستىراتىنىن اتاپ ءوتتى.