گەرمانيانىڭ گامبۋرگ قالاسىندا بوكستان ءوتىپ جاتقان الەم چەمپيوناتىندا  ابىلايحان ءجۇسىپوۆ جەڭىسكە جەتتى دەپ حابارلايدى Qamshy.kz اقپارات اگەنتتىگى.

قازاقستاندىق بوكسشى ابىلايحان ءجۇسىپوۆ يتالياندىق ۆينچەنسو ماندجاكاپرەمەن جۇدىرىقتاستى. باستاپقى كەزدە تورەشىلەر ابىلايحاننىڭ جاراقاتىنا بايلانىستى ءۇشىنشى راۋندتا جەكپە-جەكتى توقتاتىپ، جەڭىستى يتالياندىق بوكسشىعا بەرگەن.  ءبىراق جەكپە-جەكتىڭ ەسەبى قايتا قارالدى. سونىڭ ناتيجەسىندە، ابىلايحان جەڭىسكە جەتتى.

ايتا كەتەيىك، 28 جاستاعى يتالياندىق بوكسشى لوندون وليمپياداسىندا دانيار ەلەۋسىنوۆتى جەڭىپ، جارتىلاي فينالدا كۋبالىق بوكسشىدان جەڭىلىپ، قولا جۇلدەگە يە بولعان. باكۋدە وتكەن الەم چەمپيوناتىنىڭ قولا جۇلدەگەرى (2011)، انكارادا وتكەن ەۋروپا چەمپيوناتىنىڭ قولا جۇلدەگەرى (2011) جانە باكۋدە وتكەن ەۋروپا ويىندارىنىڭ كۇمىس جۇلدەگەرى (2015) اتاعىنا يە.