29 تامىز كۇنى كحدر جاپونياعا قاراي زىمىران ۇشىردى، دەپ جازادى Qamshy.kz اقپارات اگەنتتىگى.
تاسس اگەنتتىگىنىڭ مالىمەتىنە سۇيەنسەك، كحدر ۇشىرعان زىمىران ءۇش بولىككە ءبولىنىپ، جاپونيانىڭ حوككايدو ارالىنا قۇلاعان. بۇل تۋرالى شۇعىل باسپا ءسوز ءماسليحاتىندا جاپونيا مينيسترلەر كابينەتىنىڭ باس حاتشىسى وسيحيدە سۋگا ءمالىم ەتتى.
جاپونيا بيلىگى حالىقتى شۇعىل اقپاراتتاندىرۋ جۇيەسى J-Alert ارقىلى ەسكەرتۋ تاراتىپ، بولجام بويىنشا، كحدر جىبەرگەن زىمىران جاپونيانىڭ سولتۇستىك-شىعىس بولىگىمەن ءوتىپ، تىنىق مۇحيتقا قاراي ۇشقانىن حابارلادى. ەسكەرتۋ حوككايدو، اوموري، مياگي، يۆاتە، اكيتا جانە ياماگاتا پرەفەكتۋرالارىنا قاتىستى.
