ق ر ءىىم قازاقستاندىقتاردىڭ برازيليادا ۇستالۋىنا قاتىستى تۇسىنىكتەمە بەردى دەپ حابارلايدى Qamshy.kz اقپارات اگەنتتىگى Zakon.kz-كە سىلتەمە جاساپ.

ق ر ءىىم مەملەكەتتىك ءتىل مەن اقپارات دەپارتامەنتىنىڭ ديرەكتورى حابارلاعانداي، 2017 جىلدىڭ اقپانىندا ۆەدومستۆوعا برازيليانىڭ سان-پاۋلۋ قالاسىندا قازاقستاننىڭ ەكى ازاماتى ۇستالعانى تۋرالى اقپارات كەلىپ ءتۇستى. ونىڭ ءارقايسىسىنان 2 كەلىدەن ەسىرتكى تابىلعان.

«ەسىرتكى تاسىمالىنا باسقا دا قازاقستاننىڭ ازاماتتارىنىڭ قاتىسى بار-جوعىن انىقتاۋ ءۇشىن ق ر ءىىم ق ر سىم-مەن بىرلەسىپ اقش-تىڭ ەسىرتكىمەن كۇرەس باسقارماسىنىڭ قولداۋىمەن تمد ەلدەرى مەن لاتىن امەريكاسىندا جەدەل ىزدەستىرۋ جۇمىستارىن جۇرگىزدى. سونىڭ ناتيجەسىندە، كونسيەۆيچ ەۆگەنيا الەكساندروۆنا ەسىمدى قازاقستان ازاماتى ۇستالدى. ول س.مينيەۆسكايا مەن ك.چەرنيكوۆانى ەسىمدى قازاقستان ازاماتتارىن الماس بۇيىمدارىن تاسىمالدايسىڭدار دەپ الداپ، برازيلياعا جىبەرگەن. سول جەردە ولار ۇستالدى»، – دەدى سادۋبايەۆ.

تەرگەۋ جۇمىستارىن جۇرگىزۋ بارىسىندا ەۆگەنيا كونسيەۆيچتىڭ مينيەۆسكايا مەن چەرنيكوۆانى الداعانى دالەلدەندى. سول ءۇشىن ول 6 جىل 8 ايعا باس بوستاندىعىنان ايىرىلدى.

وسى جاعدايدان كەيىن سان-پاۋلۋ قالاسىنىڭ سوتى مينيەۆسكايانى اقتادى.

سادۋبايەۆتىڭ سوزىنشە، ق ر ءسىم چەرنيكوۆاعا قاتىستى دا سوت شەشىمىنە شاعىم تۇسىرەتىنىن ايتتى. ول 7 جىلعا باس بوستاندىعىنان ايىرىلعان ەدى.