بۇگىن، 29 تامىز كۇنى قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىندا اتا زاڭ كۇنىن ۇلىقتاۋعا ارنالعان ءبىرقاتار مەرەكەلىك شارالار وتكىزدى دەپ حابارلايدى Qamshy.kz اقپارات اگەنتتىگى.

تاۋەلسىزدىكتىڭ تەڭدەسسىز تارتۋى – اتا زاڭ مەرەكەسىنە ارنالعان سالتاناتتى شارالار «وڭتۇستىك» وڭىرلىك قولباسشىلىعىنا قاراستى قىزىلوردا، شىمكەنت، تاراز، تالدىقورعان جانە الماتى قالالارىنداعى بارلىق اسكەري بولىمدەردە ءوتتى.

الماتىداعى وڭىرلىك قولباسشىلىقتا وتكەن شارانى اشقان ۇلتتىق ۇلان «وڭتۇستىك» وڭىرلىك قولباسشىلىعى قولباسشىسىنىڭ مىندەتىن ۋاقىتشا اتقارۋشى گەنەرال-مايور اندرەي دوستاي ۇلى قاسكەلەڭوۆ: «اتا زاڭ – ءبىزدىڭ ازاتتىق العالى اتقارعان بارلىق ىستەرىمىزدىڭ التىن تارازىسى بولىپ تابىلادى. باس قۇجات مەملەكەتتىڭ وركەنيەتتى دامۋىنا نەگىز قالادى، ادام قۇقىعى مەن بوستاندىعىن قورعاۋ ىسىنە كەپىل بولدى. تاۋەلسىز قازاقستاننىڭ كونستيتۋسياسى ءوزىنىڭ ومىرشەڭدىگىن، دەموكراتيالىق قاعيدالارعا ادالدىعىن دالەلدەدى. ۇلى زاڭىمىزدى ۇلىقتاپ، قادىر-قاسيەتىنە ءمان بەرىپ، بارىنەن دە بيىك، بارىنەن دە قىمبات اسىل دۇنيەمىزدەي ارداق تۇتۋ بارشامىزدىڭ باستى مىندەتىمىز»، – دەپ اتاپ ءوتىپ، ەلىمىز ءۇشىن ءمانى مەن ماڭىزى ايرىقشا مەرەكەمەن جينالعانداردى قۇتتىقتادى.  

وسى ورايدا تارقاتقاندا ۇلتتىق ۇلاننىڭ مەملەكەتتىڭ قاۋىپسىزدىگى جولىندا، اتا زاڭىمىزدان تارماقتالعان زاڭ قاعيداتتارىنىڭ ساقتالىپ، ەلىمىزدە مامىراجاي تىنىشتىق قۇشاعىندا ءومىر سۇرۋىنە ءسىڭىرىپ وتىرعان قىزمەتى ولشەۋسىز دەۋگە بولادى. قازىرگى تاڭدا جۇرتشىلىققا ۇلتتىق ۇلان سابىنداعى اسكەري قىزمەتشىلەر كونستيتۋسيامەن بەكىتىلگەن ءاربىر زاڭ تالاپتارىنىڭ ورىندالۋىن قاداعالاۋشى، جەكە ادامداردىڭ، قوعام مەن مەملەكەتتiڭ قاۋiپسiزدiگiن قامتاماسىز ەتۋگە، ازاماتتاردىڭ بوستاندىعى مەن قۇقىقتارىن قىلمىستىق جانە قۇقىققا قارسى ارەكەتتەردەن قورعاۋشىلار رەتىندە تانىمال. بۇل ورايدا مەملەكەت باسشىسى ن.نازاربايەۆ: “بiزدiڭ iشكi اسكەرلەرiمiز اسا جاۋاپتى مiندەتتەردi ورىندايدى – ولار ەلiمiزدەگi iشكi ءتارتiپتi قامتاماسىز ەتەدi. اسكەر ەلiمiزدiڭ ۇلتتىق قاۋiپسiزدiگiن نىعايتۋعا ۇلكەن ۇلەس قوسۋدا»، – دەپ اتاپ وتكەن بولاتىن.

ۇستىمىزدەگى جىلى قازاقستان رەسپۋبليكاسى ۇلتتىق ۇلانىن 2017-2019 جىلدارى دامىتۋ مەن جەتىلدىرۋگە ارنالعان جوسپاردى جۇزەگە اسىرۋ باستالدى. بۇل اۋقىمدى اتقارىلار جۇمىستىڭ ماقساتى ۇلتتىق ۇلان ۆەدومستۆوسىن قازاقستان رەسپۋبليكاسى ءىىم جۇيەسىندە دامىتا وتىرىپ، جەكە قۇرامنىڭ ۇتقىرلىعىن، اسكەري قىزمەتشىلەردىڭ كاسىبي بىلىكتىلىگىن ارتتىرۋ، ەل قاۋىپسىزدىگىن ءتيىمدى قورعاۋعا مۇمكىندىك بەرەتىن زاماناۋي قارۋ-جاراق، اسكەري جانە ارنايى تەحنيكامەن جاساقتاۋ بولىپ تابىلادى.

سونداي-اق، تاۋەلسىزدىك جىلدارى قىزمەتتىك-جاۋىنگەرلىك مىندەتتەردى ورىنداۋ كەزىندە تانىتقان ەرلىگى مەن باتىلدىعى، اسكەري قىزمەتتەگى جەتىستىكتەرى ءۇشىن ۇلتتىق ۇلانى «وڭتۇستىك» وڭىرلىك قولباسشىلىعىنىڭ 100-دەن اسا جاۋىنگەرى وردەن جانە مەدالدارمەن ناگرادتالدى. سوڭعى ەكى جىلدىڭ ىشىندە عانا اسكەري قىزمەتتى ابىرويلى اتقارىپ، قوعامدىق ءتارتىپتى قامتاماسىز ەتۋ كەزىندە قىزمەتتى ۇيىمداستىرا ءبىلۋى مەن قىلمىستاردى اشۋعا بەلسەندى اتسالىسقانى ءۇشىن 22 اسكەري ۇكىمەتتىك جانە ۆەدومستۆولىق ناگرادالارمەن ماراپاتتالدى.

قورىتا ايتقاندا، ۇلتتىق ۇلان جاۋىنگەرلەرىنىڭ ايبىندى قىزمەتى – حالقىمىزدىڭ بوستاندىعىنىڭ، ەلىمىزدەگى قۇقىقتىق ءتارتىپ پەن تىنىشتىقتىڭ جانە ءار قازاقستاندىق سەنىمدىلىگىنىڭ مىزعىماس كەپىلى. اتا زاڭعا ادال جاۋىنگەرلەر ەل يگىلىگى مەن قوعام تىنىشتىعى جولىندا قالتقىسىز قىزمەت ەتە بەرمەك.

شارا بارىسىندا جاۋىنگەرلىك قىزمەتتە ەرىك-جىگەرىمەن، تاباندىلىعى جانە ەڭبەكسۇيگىشتىگىمەن دارالانعان اسكەري قىزمەتشىلەرگە قۇرمەت كورسەتىلىپ، سىي-ماراپات جاسالدى.

سونداي-اق، ۇلاندىقتار اتالعان مەرەكەگە ايرىقشا قۇرمەت بىلدىرە وتىرىپ، الماتى قالاسى س.سەيفۋللين جانە م.مامەتوۆا كوشەلەرىنىڭ قيىلىسىنداعى «مەگا» ويىن-ساۋىق كەشەنىندە قالا تۇرعىندارى ءۇشىن ق ر ۇلتتىق ۇلانى «وڭتۇستىك» وڭىرلىك قولباسشىلىعىنىڭ «گەنەرال» ءان-بي ءانسامبلى مەرەكەلىك كونسەرتىك باعدارلامامەن تارتۋ جاسادى.

مايور ارمان اۋباكىروۆ، 

ق ر ۇلتتىق ۇلانى «وڭتۇستىك» وڭىرلىك قولباسشىلىعى باسپا ءسوز قىزمەتىنىڭ باستىعى