ات-تانف امەريكالىق بازاسىندا دايىندىق جۇرگىزىپ جاتقان جاۋىنگەرلەر اقش بيلىگىنىڭ بۇيرىعىمەن دايش تەرروريستىك ۇيىمىنا قارۋ ساتقان. بۇل تۋرالى سيريا سەكتورىنىڭ قاۋىپسىزدىك قىزمەتىنىڭ بۇرىنعى باسشىسى مۋحامماد اسسالام مالىمدەدى دەپ حابارلايدى Qamshy.kz  اقپارات اگەنتتىگى.

«اقش تاراپىنان جاسىرىن قولداۋ دايش ۇيىمىنا قارۋ ساتۋ ارقىلى ءجۇرىپ وتىرعان. بۇل تۋرالى اقپاردى ەستىگەن سوڭ امەريكالىقتارعا ايتتىق. ولار ءوز كەزەگىندە قولداۋلارىن ودان سايىن ۇدەتە ءتۇستى. امەريكالىق قارۋ-جاراق، كولىكتەر، م-16 ۆينتوۆكالارىن ساتتى. سوڭعى تەكسەرۋ بارىسىندا امەريكالىقتاردا 4،7 ۆينتوۆكا كەم شىققان»، – دەدى اسسالام ريا نوۆوستي پورتالىنا بەرگەن سۇحباتىندا.

اسسالام امەريكالىق اسكەري بازانىڭ قۇرامىنا دا توقتالىپ ءوتتى. ونىڭ ايتۋىنشا، ات-تانف بازاسىندا دايش-قا قارسى كۇرەسەتىن سيريالىقتار بار، سونىمەن بىرگە سيريالىق اسكەرگە قارسى شابۋىلداۋعا دايىن اسكەرلەر دە جەتەرلىك.

سونداي-اق، امەريكالىق قولداۋ جايىنان بولەك اقش-تىڭ اسكەري قىزمەتكەرلەرى بەيبىت تۇرعىندارعا ەشقانداي كوڭىل بولمەيتىنىن اتاپ ءوتتى. ات-تانف بازاسى بوسقىندار لاگەرىنەن 20 شاقىرىم قاشىقتىقتا ورنالاسادى. سوعان قاراماستان اسكەري بازا تەرريتورياسىن 100-گە جۋىق ادام تاستاپ، ۇكىمەت تاراپىنان باقىلاناتىن ايماقتارعا ءوتىپ كەتكەن.