تامىزدىڭ 16-22 كۇندەرى ارالىعىندا موڭعوليانىڭ استاناسى ۇلانباتىردا دۇنيەجۇزىلىك 37ء-شى پوەزيا قۇرىلتايى بولىپ ءوتتى دەپ حابارلايدى Qamshy.kz اقپارات اگەنتتىگى.

«تابيعاتتىڭ اقىل-ويى جانە ادامداردىڭ جان تابيعاتى» دەگەن تاقىرىپ اياسىندا وتكەن بۇل قۇرىلتاي مەن پوەزيا فەستيۆالىن الەمدىك ونەر جانە مادەنيەت اكادەمياسى مەن موڭعوليا جازۋشىلار وداعى بىرلەسىپ وتكىزدى. ايتۋلى شارادا 40-تان استام ەلدىڭ 300-گە جۋىق اقىندارى باس قوستى. قازاقستاننان بارعان ءبىر توپ اقىنىمىز قۇرىلتايدان ولجالى ورالدى.

ۇلىقبەك ەسداۋلەت الەمدىك ونەر جانە مادەنيەت اكادەمياسىنىڭ اكادەميگى اتانىپ، اكادەميانىڭ التىن مەدالىمەن ماراپاتتالدى.

قاسىمحان بەگمانوۆ اكادەميانىڭ گۋمانيتاريا دوكتورى اتاندى.

عالىم قاليبەك ۇلى الەمدىك ونەر جانە مادەنيەت اكادەمياسىنىڭ اكادەميگى اتانىپ، موڭعوليا جازۋشىلار وداعىنىڭ «التىن قالام» سىيلىعىمەن ماراپاتتالدى.

قازىبەك يسا الەمدىك ونەر جانە مادەنيەت اكادەمياسىنىڭ اكادەميگى اتاندى.

جۇكەل حاماي موڭعول-قازاق ادەبيەتىنە سىڭىرگەن ەڭبەگى ءۇشىن «التىن پەگاس» سىيلىعىن جانە تايۆان ەلىنىڭ «التىن تىرنا» جۇلدەسىن يەلەندى.