رەسپۋبليكامىزداعى نەگىزگى ەگىن ولكەلەرى جاپپاي ەگىن ورۋ جۇمىستارىنا كىرىستى دەپ حابارلايدى Qamshy.kz اقپارات اگەنتتىگى ق ر اشم باسپا ءسوز قىزمەتىنە سىلتەمە جاساپ.

بۇگىنگە دەيىن ەلىمىز بويىنشا 4 ملن. 265 مىڭ گا استىق جينالدى. بۇل وتكەن جىلداعى كورسەتكىشتەن جوعارى. ورتاشا ونىمدىلىك گەكتارىنا 13،4 سەنتنەردى قۇرايدى.

بۇگىنگى تاڭدا، ق ر اۋىل شارۋاشىلىعى مينيسترلىگى استىقتى ساتىپ الۋ باعاسىن جاريالادى.

اعىمداعى ەگىن ورۋ ماۋسىمىندا بيداي باعاسىنىڭ ءدالىزى ونىڭ ساپاسى مەن جەتكىزۋ ورنىنا بايلانىستى كەڭەيتىلدى.

وسىعان بايلانىستى 1 توننا استىق باعاسى كەلەسىدەي ورنادى:
– قۇرامىندا 23% كلەيكوۆينا جانە 12% پروتەينى بار 3 سۇرىپتاعى بيدايدىڭ تونناسى – 42000 تەڭگە؛
– قۇرامىندا 25% كلەيكوۆينا جانە 13% پروتەينى بار 3 سۇرىپتاعى بيدايدىڭ تونناسى – 45000 تەڭگە؛
– قۇرامىندا 27% كلەيكوۆينا جانە 14،5% پروتەينى بار 3 سۇرىپتاعى بيدايدىڭ تونناسى – 50000 تەڭگە (54000 تەڭگە – اقو-دا قاپشىقتالعان)؛
– قۇرامىندا 32% ۇلپا جانە 15% پروتەينى بار 3 سۇرىپتاعى بيدايدىڭ تونناسى – 60000 تەڭگە (اقو-دا قاپشىقتالعان)؛
– قۇرامىندا 20% كلەيكوۆينا جانە 11% پروتەينى بار 4 سۇرىپتاعى بيدايدىڭ تونناسى – 39000 تەڭگە؛
– قۇرامىندا 18% كلەيكوۆينا جانە 9،5% پروتەينى بار 4 سۇرىپتاعى بيدايدىڭ تونناسى – 37000 تەڭگە؛
– 5 سۇرىپتاعى بيدايدىڭ تونناسى – 33000 تەڭگە.

سونىمەن قاتار، 2 سۇرىپتاعى ارپا باعاسى جەتكىزۋ كولەمى 1000 تونناعا دەيىن بولسا، 40000 تەڭگەگە، ال جەتكىزۋ كولەمى 1000 توننادان ارتىق بولسا، تونناسى 41000 تەڭگەگە دەيىن ارتتى.
بارلىق باعالار ققس قوسا العاندا كورسەتىلگەن.