لوس-اندجەلەس قالاسىنىڭ ماڭايىندا ءورت ءورشىپ تۇر. جالىن ءقازىردىڭ وزىندە ءۇش جارىم مىڭ گەكتار اۋماقتى كۇلگە اينالدىردى. شاھار مەرىنىڭ ايتۋىنشا، بۇل لوس-اندجەلەس تاريحىنداعى ەڭ الاپات وت. بۇل تۋرالى Qamshy.kz اقپارات اگەنتتىگى korrespondent.net مالىمەتىنە سۇيەنىپ حابارلايدى. 

500 مامان جانە بىرنەشە تىكۇشاق جالىندى وشىرۋگە تىرىسقانىمەن، ءورتتىڭ 10 پايىزى عانا ءسوندى. سول اۋماقتا 700-دەن استام قۇرىلىس نىسانى بار. ماڭايداعى ەلدى مەكەنگە دە ءقاۋىپ تونگەندىكتەن جۇزدەگەن ادام باسقا جەرگە كوشىرىلدى. تاعى بىرنەشە جول جابىلعان.

مامانداردىڭ ايتۋىنشا، ءتىلسىز جاۋدى وشىرۋگە اۋا رايىنىڭ قولايسىزدىعى دا كەرى اسەر ەتىپ تۇر. وسى كۇندەرى ايماقتا اۋا تەمپەراتۋراسى 38 سەلسيي گرادۋسقا دەيىن جوعارىلاپ، جەل تۇرعان. ازىرگە تابيعي اپاتتان قازا تاپقاندار مەن جارالانعاندار تۋرالى مالىمەت جوق.