تامىزدىڭ 28ء-ى ءماجىلىس ءتوراعاسى نۇرلان نىعماتۋلين ق ر پارلامەنتى پالاتالارىنىڭ بىرلەسكەن وتىرىسىن شاقىرۋ تۋرالى وكىمگە قول قويعان بولاتىن. وتىرىس قىركۇيەكتىڭ 4ء-ى ساعات 11-دە باستالدى. سونىمەن ءقازىر قازاقستاننىڭ پارلامەنت پالاتالارىنىڭ بىرلەسكەن وتىرىسى ءوتىپ جاتىر.

وتىرىستا سەنات سپيكەرىن سايلاۋ نەمەسە بۇرىنعى سپيكەردى قايتا سايلاۋ ماسەلەسى قارالادى دەپ كۇتىلۋدە. قاسىم-جومارت توقايەۆتىڭ دەپۋتاتتىق وكىلەتتىلىك مەرزىمى قاراشا ايىندا اياقتالاتىنى بەلگىلى. ماۋسىمنىڭ 28ء-ى كۇنى وتكەن سەنات دەپۋتاتتارى سايلاۋىندا سايلانعان جوعارعى پالاتانىڭ جاڭا مۇشەلەرى دە جۇمىستارىنا بۇگىننەن باستاپ كىرىسەتىنى تاعى بار. وسىعان بايلانىستى «توقايەۆ قىزمەتىن ساقتاپ قالا ما؟» دەگەن ساۋال تۋىندايدى. سونىمەن قاتار، ەلباسى جوعارعى پالاتانىڭ جاڭا 7 دەپۋتاتىن تاعايىنداۋى مۇمكىن. ەكى اي بۇرىن ساياسي سالماعى اۋىر تۇلعالاردىڭ ءبىرى – نۇرتاي ابىقايەۆتىڭ دەپۋتاتتىق وكىلەتتىلىگى توقتاتىلعانى بەلگىلى.

سەناتتىڭ سپيكەرى بولىپ «استانا ەكسپو-2017» ۇلتتىق كومپانياسىنىڭ باسشىسى احمەتجان ەسىموۆ تاعايىندالۋى مۇمكىن دەگەن اڭگىمەلەر دە سول جاعالاۋدى كەزىپ جۇرگەنى ايان. "قاسىم–جومارت توقايەۆ ءوز قىزمەتىن جاقسى اتقارىپ ءجۇر، ءارى، قازاقستاننىڭ ىشكى-سىرتقى ساياساتىن تەرەڭ بىلەتىن، ەلباسىنىڭ سەنىمدى دە ادال نوكەرلەرىنىڭ ءبىرى بولىپ تابىلادى، سوندىقتان دا ول ءوز قىزمەتىن ساقتاپ قالادى. بۇعان ساراپشىلاردىن كۇمانى جوق. توقايەۆ مەملەكەتتىك ساياسي بيلىكتە "ەكىنشى ادام" بولىپ قالا بەرمەك."

نۇرعالي نۇرتاي