ق ر دەنساۋلىق ساقتاۋ ءمينيسترى ەلجان ءبىرتانوۆ استاناداعى "ابۋ-دابي پلازا" قۇرىلىس الاڭىندا بولعان توبەلەستەن زارداپ شەككەندەردىڭ جاعدايى جايلى ايتىپ بەردى، - دەپ حابارلايدى Qamshy.kz اقپارات اگەنتتىگى Tengrinews.kz-كە سىلتەمە جاساپ.
"زارداپ شەككەن بىرنەشە ادام بولدى. قازاقستان ازاماتتارى دا، ءۇندىستان ازاماتتارى دا بار. اۋىر جاراقات العاندار جوق، ەكەۋى اۋرۋحاناعا جاتقىزىلدى. بىرەۋى قازاقستاندىق، ەكىنشىسى ءۇندىستان ازاماتى. قازىرگى ۋاقىتتا ولاردىڭ جاعدايى قاناعاتتانارلىق. ءتۇرلى دەڭگەيدە جاراقات العان، دەنەلەرى كوگەرگەن، ميى شايقالعان. ءقازىر ولار اۋرۋحانادا"، - دەدى مينيستر.
