شەشەنستان باسشىسى ميانماداعى بولعان ۇكىمەتتىك كۇشتەر مەن روحيندجا مۇسىلماندارى اراسىندا ورىن العان قاندى وقيعالارعا بايلانىستى ءوزىنىڭ اشىق پىكىرىن ءبىلدىردى، دەپ جازادى Qamshy.kz اقپارات اگەنتتىگى.
ءوزىنىڭ Instagram پاراقشاسىندا رامزان قادىروۆ جۇرتشىلىقپەن تىكەلەي ەفيرگە شىقتى. شەشەنستان پرەزيدەنتى ءوز سوزىندە رەسەيلىك ب ا ق وكىلدەرىن ايىپتادى.
«وسى ەۋروپادا ءبىر كىشىگىرىم تەراكت بولعان كۇندە بۇكىل الەمدىك ليدەرلەر مەن جاھاندىق ب ا ق وكىلدەرى ايعايلاتىپ شىعادى. ال بىر-ەكى كۇندە جۇزدەگەن ادامدار گەنوسيدقا ۇشىرىپ جاتقان كەزدە ەشكىم ەشتەمە ايتپاي وتىر.
ەگەر رەسەي رەسمي تۇردە مۇسىلمانداردى ءولتىرىپ جاتقان شايتانداردى قولدايتىن بولسا، مەن ءتىپتى رەسەيگە قارسى شىعۋعا دايىنمىن.
بۇل ماسەلە بويىنشا مەن تولىققاندى ەردوعاندى (تۇركيا پرەزيدەنتى) قولدايمىن. ودان باسقا مەن جاناشىرلىق ءبىلدىرىپ وتىرعان ەشكىمدى كورىپ وتىرعان جوقپىن» ،- دەدى شەشەنستان باسشىسى.
ەسكە سالا كەتەيىك، ميانما ەلىندە (بۇرىنعى بيرما) ۇكىمەتتىك كۇشتەر مەن روحيندجا مۇسىلماندارى اراسىندا ءبىر اپتا بۇرىن باستالعان قاقتىعىستىڭ سالدارىنان 400-دەن اسا ادام ولتىرىلگەن.
