دۇيسەنبى، 11 قىركۇيەكتە، ماجىلىستە «مەملەكەتتىك ءتىلدىڭ لاتىن گرافيكاسىنداعى ءالىپبيىنىڭ ءبىرىڭعاي ستاندارتىن ەنگىزۋ ماسەلەلەرى تۋرالى» پارلامەنتتىك تىڭداۋ وتەدى، دەپ جازادى Qamshy.kz اقپارات اگەنتتىگى.
پارلامەنت ءماجىلىسى باسپا ءسوز قىزمەتىنىڭ مالىمەتىنە سۇيەنسەك، پارلامەنتتىك تىڭداۋعا ءماجىلىس ءتوراعاسى نۇرلان نىعماتۋللين، پرەمەر-مينيستردىڭ ورىنباسارى ەربولات دوسايەۆ، سەنات جانە ءماجىلىس دەپۋتاتتارى مەن مەملەكەتتىك ورگانداردىڭ وكىلدەرى قاتىسادى دەپ كۇتىلۋدە.
«رۋحاني جاڭعىرۋ» باعدارلاماسى اياسىندا قازاقستان رەسپۋبليكاسى پرەزيدەنتىنىڭ جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ جۇمىس توبىنىڭ ۇسىنىستارىن تالقىلاۋ قاراستىرىلادى.
تالقىلاۋعا سونداي-اق، ءالىپبي جوباسىن ازىرلەۋشى ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ جانە ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ باسشىلارى، جوعارى وقۋ ورىندارىنىڭ رەكتورلارى، عىلىم جانە مادەنيەت قايراتكەرلەرى، عالىمدار مەن ساراپشىلار، ونىڭ ىشىندە شەتەلدىكتەر، قوعامدىق ۇيىمدار مەن بۇقارالىق اقپارات قۇرالدارىنىڭ وكىلدەرى شاقىرىلدى.
پارلامەنتتىك تىڭداۋ قورىتىندىسى بويىنشا ءتيىستى ۇسىنىمدار قابىلدانادى دەپ ۇيعارىلعان.
