قالالىق اكىمدىك باسپا ءسوز قىزمەتىنىڭ حابارلاۋىنشا، بيىل مەگاپوليستە ەكى مەكتەپ پەن التى بالاباقشا سالىنادى. سونىمەن قاتار، التى مەكتەپ پەن ءبىر بالاباقشا عيماراتى جودەلىپ، ولاردىڭ جانىنان قوسالقى نىساندار سالىنادى.

بۇگىن الماتى اكىمى باۋىرجان بايبەك سەيسميكالىق نىعايتۋ، كۇردەلى جوندەۋ جۇمىستارى جۇرگىزىلگەن ءبىرقاتار مەكتەپ پەن بالاباقشالاردى ارالاپ كوردى.

«قازىرگى كەزدە №71، №106، №53، №63ء-شى ءتورت مەكتەپتە جانە №69 ي №80 ەكى بالاباقشادا سەيسميكالىق نىعايتۋ جۇمىستارى اياقتالعان. سونداي-اق، قىركۇيەكتە №10 مەكتەپتە جانە №77،№82 ەكى بالاباقشادا اتالعان باعىتتاعى جۇمىستاردى اياقتاۋ جوسپارلانعان. ال، №187، №192، №4، №162، №19، №118، №101 جەتى مەكتەپتە قازان ايىندا، №20، №104، №130، №94، №21، №110 التى مەكتەپتە قاراشادا، «ءۇمىت ءۇيى» مەن №46 مەكتەپتە  جەلتوقسان ايىندا سەيسميكالىق نىعايتۋ جۇمىستارى اياقتالادى» دەلىنگەن الماتى قالاسىنىڭ قۇرىلىس باسقارماسى تاراتقان مالىمەتتە.

قالادا مەكتەپ جاسىنا دەيىنگى جەتى بالالار مەكەمەسىندە قۇرىلىس جۇمىستارى جۇرۋدە. مىسالى، №110 مەكتەپ جانىنان بالاباقشا سالىنادى، №6 بالاباقشا جانىنداعى قوسالقى نىساننىڭ قۇرىلىسى بيىل بىتەدى. كەلەسى جىلى №184، №185 مەكتەپتەر جانىنداعى بالاباقشالار، ناۋرىزباي جانە الاتاۋ اۋداندارىندا ءارقايسىسى 320 ورىندى ءۇش بالاباقشا پايدالانۋعا بەرىلەدى.

قازىرگى ۋاقىتتا ءبىلىم بەرۋدىڭ سەگىز نىسانىندا قۇرىلىس-مونتاج جۇمىستارى جۇرۋدە. جىل اياعىنا دەيىن №77 جانە №156 مەكتەپ جانىنداعى قوسالقى نىساندار قۇرىلىستارى اياقتالادى. 2018 جىلى ناۋرىزباي اۋدنىندا 1200 ورىندى، الاتاۋ اۋدانىندا 600 بالاعا ارنالعان مەكتەپ، №1 پەداگوگيكالىق كوللەدج بەن №151، №185 جانىنان سالىنعان قوسالقى نىساندار ىسكە قوسىلادى.

ايتا كەتەرلىگى، سوڭعى 5 جىل ىشىندە قالادا 15 مىڭ ورىنعا ارنالعان 280 بالاباقشا،14 مىڭ ورىندىق 12 مەكتەپ اشىلدى.تەك وتكەن جىلى عانا جەرگىلىكتى بيۋدجەت ەسەبىنەن 500 ورىندى 4  بالاباقشا  ىسكە قوسىلدى. «شاڭىراق»،«قالقامان» ىقشام اۋداندارىندا  مەكتەپتەر جانىنا 1800 ورىندى قوسالقى نىساندار سالىندى.

مەملەكەتتىك-جەكە ارىپتەستىك اياسىندا 2016  جىلى جەكە قارجىلار ەسەبىنەن 5،7 ورىندى 175 بالاباقشا مەن ميني-ورتالىقتار اشىلدى. 2017 جىلى 200 ورىندى 57 جەكە بالاباقشا پايدالانۋعا بەرىلدى. بيزنەس تاراپىنان جاسالعان قولداۋ ارقاسىندا 14 ملرد. تەڭگە بيۋدجەت قارجىسى ۇنەمدەلدى.

«سوڭعى 2  جىل ىشىندە ينۆەستورلار ەسەبىنەن 7 مىڭ ورىندى 54 بالاباقشا سالۋ جونىندە شەشىم قابىلدانعان. 3 مىڭ ورىندى 24 بالاباقشا كوممۋنالدىق مەنشىككە بەرىلەدى. وسىنىڭ  ارقاسىندا بيۋدجەتتىڭ 24 ملرد. تەڭگە قارجىسى ۇنەمدەلدى» دەلىنگەن اكىمدىكتىڭ حابارلاماسىندا.

الماتىدا 2 مىڭ ورىنعا ارنالعان 4  جاتاقحانا سالۋ جوسپارلانعان. 1200 ورىندى تاعى ءبىر جاتاقحانانىڭ قۇجاتتارى  دايىندالۋدا. «تۇرعىن ءۇي قۇرىلىس جيناق» بانكىمەن بىرگە جاستاردىڭ جەڭىلدەتىلگەن زاەم ارقىلى جاڭا پاتەر الۋىنا مۇمكىندىك بەرەتىن ەرەكشە باعدارلاما جاسالدى.