مەملەكەت باسشىسى ن.ءا. نازاربايەۆتىڭ ءازىربايجان رەسپۋبليكاسىنا جۇمىس ساپارى بارىسىندا بەرگەن تاپسىرماسىنا سايكەس، ۇستىمىزدەگى جىلى 21-23 قىركۇيەك ارالىعىندا اقتاۋ قالاسىندا كاسپيي ماڭىنداعى بەس ەل دەلەگاسيالارىنىڭ قاتىسۋىمەن حالىقارالىق جاستار فورۋمى (ءبۇدانارى - فورۋم) وتەدى دەپ حابارلايدى Qamshy.kz اقپارات اگەنتتىگى.

فورۋم جاستار ساياساتى ماسەلەلەرى بويىنشا قاتىسۋشى ەلدەر اراسىنداعى ىنتىماقتاستىقتى نىعايتۋعا، ەلباسى ن.ءا. نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنان تۋىندايتىن جاڭعىرۋ يدەيالارىن شەتەلدەرگە ناسيحاتتاۋعا باعىتتالعان.

پرەزيدەنتىمىزدىڭ بولاشاققا كورسەتكەن باعدارىنداعى رۋحاني جاڭعىرۋ باعدارلاماسىندا دا اتا-قونىس، تۋعان ەل مەن جەر، وسكەن ولكەنىڭ ءقادىرىن بىلەتىن ۇرپاق ءوسىرۋدى ۇلتىمىزدىڭ الدىنا تالاپ پەن مىندەت قىلىپ قويدى. كەلەشەك تاعدىرىمىزعا جاۋاپتى بۋىن- جاستارىمىزعا رۋحاني قۇندىلىقتاردىڭ قۇنىن ءتۇسىندىرۋ،  جۇزەگە اسىرۋ – ءبىزدىڭ باستى جاۋاپكەرشىلىگىمىز.

كاسپيي ەلدەرىنىڭ جاستار كوشباسشىلارى اراسىنداعى مادەنيەتارالىق ديالوگتىق بايلانىستى  قالىپتاستىرۋ ارقىلى جاستار ۇيىمدارىن شوعىرلاندىرۋ جانە جاس كوشباسشىلار پىكىرالماسۋ الاڭىن قۇرۋ فورۋمنىڭ ماقساتى بولىپ سانالادى.

فورۋم شەڭبەرىندە كەلەسىدەي ءىس-شارالار وتكىزىلەدى: «Caspi Leader Camp» - لاگەرى قازاقستاننىڭ كوشباسشى جاستارىنا وقىتۋ پىكىر-الماسۋ الاڭى، قازاق - ازەربايجان ەلدەرىنىڭ جاستار ۇيىمدارىنىڭ ءوزارا ىنتاماقتاستىق تۋرالى مەموراندۋمعا قول قويۋ ءراسىمى، فورۋمنىڭ پلەنارلىق وتىرىسى مەن پانەلدىك سەسسيالارى، TEDex فورماتىندا تانىمال كوشباسشىلار مەن ساراپشىلاردىڭ پىكىر الماسۋلارى، «وتپان تاۋ» تاريحي-مادەني كەشەنىنە تۋر، ارت جاستار فەستيۆالى، اقىندار – ءمۇشايراسى جانە ماڭعىستاۋ وبلىسى اكىمىنىڭ كۋبوگى ءۇشىن «جايدارمان» سايىسى، «برەيك دانس»، «ۆوركاۋت»، «باسكەتبول 3ح3» سپورتتىق-مادەني شارالارى جانە ايماق باسشىسىنىڭ كۋبوگىنە ارنالعان «ۇلى دالا قاhارماندارى» اتتى حالىقارالىق پانكراتيوننان تۋرنير ۇيىمداستىرىلادى.

سونىمەن قاتار اقتاۋدا قازاقستان ەسترادا جۇلدىزدارىنىڭ باسىن قوساتىن «GAKKU» داۋىسى فەستيۆالى وتەتىن بولادى.