سوڭعى ەكى اپتا ىشىندە ميانمادان بانگلادەشكە بوسقىن رەتىندە بارعان روحيندجا مۇسىلماندارىنىڭ 80 % - ايەلدەر مەن بالالار ەكەن -، دەپ جازادى  Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.

«25 تامىزدان بەرى 125 مىڭنان استام روحيندجا مۇسىلماندارى بوسقىن رەتىندە  بانگلادەش شەكاراسىن كەسىپ وتكەن. ونىڭ 80% - ايەلدەر مەن بالالار ەكەنى بەلگىلى بولدى. ال كومەككە مۇقتاج كوپتەگەن بالا ميانما ەلىنىڭ راكحاين شتاتىنىڭ سولتۇستىگىندە قالىپ قويعان. ول جەردى ۇكىمەت اسكەرى كۇشپەن باسىپ الىپتى»، - دەپ جازادى يۋنيسەف-تىڭ اتقارۋشى ديرەكتورى ەنتوني لەيكتىڭ ءوزىنىڭ جازباشا مالىمدەمەسىندە.

سونىمەن بىرگە، ول  يۋنيسەف-تىڭ راكحاين شتاتىنىڭ سولتۇستىك وڭىرلەرىندەگى جۇمىستى توقتاتۋعا ءماجبۇر بولعانىمەن،  روحيندجا بالالارىنا كومەك كورسەتۋىن ارتتىرا تۇسكەنىن دە ايتىپ وتەدى. ولارعا ءقازىر ۇيىم ازىق-تۇلىك، اۋىز سۋ جانە گيگيەنالىق زاتتار ۇلەستىرىپ جاتىر. بۇۇ باس حاتشىسى انتونيۋ گۋتەرريش وڭىردەگى احۋالعا الاڭداۋشىلىق ءبىلدىرىپ، ميانما بيلىگىن روحيندجالارعا ازاماتتىق نەمەسە باسقالاي قۇقىقتىق ستاتۋس بەرۋگە شاقىردى.