يرما داۋىلىنان زارداپ شەگۋى مۇمكىن كۋبانىڭ شىعىس اۋداندارىنان 700 ادام ەۆاكۋاسيالاندى، دەپ حابارلايدى Qamshy.kz  اقپارات اگەنتتىگى  korrespondent.net.

جەرگىلىكتى ب ا ق وكىلدەرىنىڭ حابارلاۋىنشا، ادامداردى تۋىستارى مەن 45 ەۆاكۋاسيالىق ورتالىقتارعا جانە 39 ارنايى ورىندارعا ورنالاستىرۋدا. وسى كەزدە كۋبانىڭ كەيبىر اۋداندارىندا نوسەر جاڭبىر جاۋىپ تۇر جانە سونىڭ سالدارىنان جاعالاۋعا جاقىن ايماقتاردى سۋ باسۋدا. جاڭبىرمەن قاتار ايماقتا قۋاتتى جەل سوعۋدا. وسىعان دەيىن يرما داۋىلىنىڭ جاقىنداعاندىعىن بايقاتقان تروپيكالىق جەل كۋبانىڭ شىعىسىنداعى گۋانتانامو، ولگين جانە لاس-تۋناس پروۆينسيالارىنا سوقتى.

كۋبانىڭ ازاماتتىق قورعانىس قىزمەتىنىڭ باس شتابى گۋانتانامو، سانتياگو-دە-كۋبا، گرانما، لاس-تۋناس، كاماگۋەي، سەگو-دە-اۆيلا جانە ۆيليا-كلارا سياقتى ەلدىڭ ورتالىق جانە شىعىس پروۆينسيالارىندا دابىل رەجيمىن ەنگىزدى. بۇل رەجيم تالاپتارى بويىنشا، ءقاۋىپتى ايماقتاردان ادامداردى كوشىرىپ، كولىك قوزعالىسىنا شەكتەۋ قويىلىپ، قاۋىپسىزدىك ءۇشىن ەلەكتر جەلىلەرى ىستەن شىعارىلادى. كۋبانىڭ باتىس بولىگىندە ورنالاسقان سانكتي-سپيريتۋس، سەنفۋەگوس جانە ماتانساس سياقتى پروۆينسيالارىندا تابيعات اپاتى بويىنشا «اقپاراتتاندىرۋ دەڭگەيى» ەنگىزىلدى. ول بويىنشا اپات تونە قالعان جاعدايدا بوي تاسالايتىن ورىندار قاراستىرىلىپ، كوشەلەر تازالانىپ، ازىق-تۇلىك پەن جانارماي قورى دايىندالادى.