ماسكەۋ قالاسىنىڭ 870 جىلدىق مەرەي تويىنا وراي قازاقستاننىڭ رەسەيدەگى ەلشىلىگى، كورشىمىزدىڭ باس قالاسىنا ارناپ، بەينەبايان ارقىلى جىلى لەبىزدەرىن ءبىلدىردى دەپ جازادى Qamshy.kz.
يسااك دۋنايەۆسكيي، ۆلاديمير ماسسا مەن ميحايل چەرۆينسكييلەردىڭ جازعان "دوروگيە موي موسكۆيچي" ءانى لەونيد ۋتەسوۆتىڭ ورىنداۋىندا 1947 جىلى ماسكەۋدىڭ 800 جىلدىعىندا تۇڭعىش ورىندالىپ، حالىق اراسىندا كەڭىنەن تاراپ كەتكەن ەدى. ەندى اراعا 70 جىل سالىپ، ماسكەۋدىڭ 870 جىلدىعىنا وراي، قازاقستاندىق ديپلوماتتار، ستۋدەنتتەر مەن ماسكەۋدەگى وتانداستارىمىز بۇل ءاندى قوس تىلدە، قايتا جاڭعىرتىپ شىعاردى.
