Qamshy.kz اقپارات اگەنتتىگىنىڭ جەتەكشىسى، «Attila group» ينتەرنەت كومپانياسىنىڭ وكىلى ءبىلال قۋانىش لاتىن الىپبيىنە قاتىستى پارلامەنتتىك تىڭداۋدا ءسوز سويلەدى.
«الداعى ۋاقىتتا قولدانىسقا ەنەتىن «Attila group» كومپانياسى جاساعان كونۆەرتەر ءتىلدىڭ دامۋىنا كەپىلدىك بەرمەك.
ەندى وسى كونۆەرتەردىڭ ارتىقشىلىقتارىنا توقتالا كەتەيىن. ءبىرىنشىسى، ءبىزدىڭ ماماندارىمىز ون جىلدان بەرى زەرتتەپ كەلە جاتقان قازاق الىپبيلەرىنىڭ كونۆەرتەر جۇيەسى وسى كۇنگە دەيىن الەم قازاقتارى پايدالانىپ كەلە جاتقان كيريلل، لاتىن، توتە جازۋلاردى بىر-بىرىنە قاتەلىكسىز اۋدارا الاتىن بىرەگەي جۇيە».
«كوپ جىلدىق تاجىريبەدەن وتكەن وسى كونۆەرتەر جۇيەسى ەندىگى كەزەكتە مەملەكەتتىك ءتىلدىڭ ءبىرىڭعاي ستاندارتتى ءالىپبيىن حالىق اراسىندا وتە ىڭعايلى، قولجەتىمدى تۇرعىدا ناسيحاتتاپ، تەز قولدانىسقا ەنۋىنە ايرىقشا قىزمەت ەتپەك.
مىسالى ءسىز كيريلل الىپبيىمەن وقىعان ادام بولساڭىز «Attila group» كومپانياسى جاساعان كونۆەرتەر جۇيەسىن كومپيۋتەرىڭىزگە نەمەسە ۇيالى تەلەفونىڭىزعا ورناتۋ ارقىلى كەز كەلگەن ۋاقىتتا كەز كەلگەن ءماتىندى جاڭا ءالىپبي نۇسقاسىنا اۋدارا الاسىز.
ءتىپتى «اباي جولى» رومانىن 3 سەكۋند ارالىقتا جاڭا ءالىپبي جۇيەسىمەن وقۋعا مۇمكىندىگىڭىز بولادى».
«بۇل كونۆەرتەردى كەز كەلگەن كومپيۋتەرگە، ۇيالى تەلەفوننىڭ كەز كەلگەن نۇسقاسىنا، كەز كەلگەن پروگراممالىق قۇرالداردا پايدالانۋعا مۇمكىندىك بار».
«ەسكەرەتىن ءبىر جايت، مەملەكەتتىك ءتىل ءالىپبيىنىڭ لاتىن گرافيكاسىنداعى ءبىرىڭعاي ستاندارتتى ءالىپبيى حالىققا تانىستىرىلعان سوڭ «كونۆەرتەر جۇيەسى» مەملەكەت بەلگىلەگەن ءبىر عانا نۇسقامەن جاسالاتىن بولادى.
