ق ر پرەمەر-مينيسترىنىڭ ورىنباسارى ەربولات دوسايەۆ پارلامەنتتىك تىڭداۋدا لاتىن الىپبيىنە قاتىستى ءسوز سويلەدى، دەپ xابارلايدى Qamshy.kz اقپارات اگەنتتىگى.
«پرەزيدەنت نۇرسۇلتان نازاربايەۆ ءوزىنىڭ باعدارلامالىق ماقالاسىندا لاتىن ءالىپبيىن ەنگىزۋدىڭ مەرزىمىن بەلگىلەگەن بولاتىن. ۇكىمەتتىڭ اتالعان تاپسىرمانى ورىنداۋعا قاتىستى ناقتى كوزقاراسى بار. لاتىن ءالىپبيىنىڭ ءبىرىڭعاي ستاندارتى بەكىتىلگەننەن كەيىن ونى بىرتىندەپ ەنگىزۋ شارالارى قولعا الىنادى. ول جوسپار بارلىق سالالاردى قامتيدى. سەبەبى ءتىل كوممۋنيكاسيانىڭ امبەباپ قۇرالى بولىپ سانالادى»، - دەدى دوسايەۆ بۇگىن ق ر پارلامەنت ماجىلىسىندەگى لاتىن ءالىپبيىنىڭ ءبىرىڭعاي ستاندارتىن ەنگىزۋ ماسەلەلەرىنە ارنالعان قوعامدىق تىڭداۋدا. ونىڭ ايتۋىنشا، ءبىرىڭعاي ستاندارت بەكىتىلگەن بويدا ءبىلىم بەرۋ سالاسىنا قاتىستى ءبىراز شارالاردى اتقارۋ قاجەت. الدىمەن مامان دايارلاۋ ماسەلەسىنە باسا نازار اۋدارعان ءجون. وسىدان كەيىن ول ءبىلىمدى xالىق اراسىندا كەڭىنەن تاراتۋ قاجەت.
«وسى ورايدا لاتىن ءالىپبيىن مەڭگەرۋ بويىنشا وقۋ-ادىستەمەلىك قۇرالداردى، ءموبيلدى قوسىمشالار مەن اقپاراتتىق باعدارلامالاردى شىعارعان ماڭىزدى. اتالعان شارالاردىڭ بارلىعى ۋاقىتىنا قاراي ۇيلەستىرىلەدى جانە بىر-بىرىمەن بايلانىستىرىلادى. وسىنىڭ ارقاسىندا ءبىز لاتىن ءالىپبيىن جۇيەلى تۇردە ەنگىزە الامىز»، - دەپ اتاپ كورسەتتى ۇكىمەت باسشىسىنىڭ ورىنباسارى.
