رەسەي مەن قازاقستان ون ەكى سۋ-30سم ۇشاعىن جەتكىزۋ تۋرالى كەلىسىمشارتقا قول قويدى دەپ حابارلايدى Qamshy.kz اقپاراتتىق اگەنتتىگى ريا نوۆيستي-گە سىلتەمە جاساي وتىرىپ.
بۇل تۋرالى رەسەي پرەزيدەنتىنىڭ اسكەري-تەحنولوگيالىق ىنتىماقتاستىق ماسەلەلەرى جونىندەگى كومەكشىسى ۆلاديمير كوجين ءمالىم ەتتى.
«ءيا، «ارميا-2017» حالىقارالىق اسكەري-تەحنيكالىق فورۋمىندا وسىنداي شەكتى كەلىسىم جاسالدى. كەلىسىمنىڭ شارتتارىنا سايكەس، ونىڭ ءبىرىنشى جەتكىزگەن ساتىنەن باستاپ ءۇش جىل بويى كەزەڭ-كەزەڭىمەن جۇزەگە اسىرىلادى»، - دەدى كوجين سۇراققا جاۋاپ بەرە وتىرىپ.
كەلىسىم 2013 جىلى «يركۋت» كورپوراسياسى مەن «كازسپەسەكسپورت» رەسپۋبليكالىق مەملەكەتتىك كاسىپورنى اراسىنداعى تىكەلەي ءوزارا قارىم-قاتىناستى قامتاماسىز ەتەتىن رەسەي مەن قازاقستان اراسىنداعى اسكەري-تەحنيكالىق ىنتىماقتاستىق تۋرالى كەلىسىم اياسىندا جۇزەگە اسىرىلعان.
4+ بۋىندى اسا وڭتايلى سۋ-30سم جويعىشى فازالانعان انتەندىك تورى بار راديولوكاتورمەن، باسقارىلاتىن تارتقىش ۆەكتورى بار قوزعالتقىشپەن جانە الدىڭعى كولدەنەڭ قىسقا باسقارۋ قاناتىمەن جابدىقتالعان.
