تۇركيا پرەزيدەنتى تايىپ ەردوعان اقش باسشىسى دونالد ترامپپەن بۇۇ باس اسسامبلەياسى سەسسياسىنىڭ اياسىندا كەزدەسۋگە كەلىسكەندەرىن مالىمدەدى، دەپ جازادى Qamshy.kz اقپارات اگەنتتىگى.
«ءبىز تەلەفون ارقىلى ەكىجاقتى قارىم-قاتىناستى ودان ءارى دامىتۋ جايىن تالقىلادىق. ءبىزدىڭ ستراتەگيالىق سەرىكتەستىگىمىز قارىم-قاتىناسىمىزدىڭ اشىق ۇلگىسى. اقش پرەزيدەنتىمەن ايماقتىق ماسەلەلەردى، ميانماداعى وقيعانى ءسوز ەتە وتىرىپ، وسىعان وراي اقش-تىڭ دا نە ويلايتىنى ماڭىزدى ەكەنىن جەتكىزدىم. بۇۇ باس اسسامبلەياسى بارىسىندا كەزدەسىپ، ۇلكەن ماسەلەلەردى تالقىلايتىن بولامىز. بۇل ەكى مەمەلكەت ءۇشىن دە ماڭىزدى كەزدەسۋ بولماق»، – دەدى ەردوعان جۋرناليستەرگە.
ايتا كەتەيىك، باس اسسامبلەيانىڭ 72-سەسسياسى 12 قىركۇيەكتە بۇۇ شتاب-پاتەرىندە اشىلادى. جوعارعى دەڭگەيدەگى اپتا اياسىنداعى جالپى ساياسي پىكىرتالاس 19 قىركۇيەكتە باستالادى.
