ەكسپو-2017 كورمەسىندەگى حالىقارالىق پاۆيلونداردىڭ دەمونتاجى 2017 جىلدىڭ 15 جەلتوقسانىنا دەيىن اياقتالادى، دەپ حابارلايدى Qamshy.kz اقپارات اگەنتتىگى ەكسپو-2017 كورمەسىنىڭ مەديا-ورتالىعىنا سىلتەمە جاساپ.

2017 جىلعى 11 قىركۇيەك پەن 15 جەلتوقسان ارالىعىندا ەكسپو-2017 حالىقارالىق مامانداندىرىلعان كورمە اۋماعىنداعى حالىقارالىق پاۆيلونداردىڭ دەمونتاجى جۇرگىزىلەدى. قاتىسۋشى مەملەكەتتەر كورمە ۇيىمداستىرۋشىلارىنا پاۆيلونداردى باستاپقى تۇردە تاپسىرۋ ماقساتىندا ەكسپوناتتاردى شىعارىپ، ىشكى قۇرىلىس قۇرىلىمدار دەمونتاجىن، سونداي-اق تازالاۋ مەن جوندەۋ جۇمىستارىن جۇرگىزۋى قاجەت.

اتالعان پروسەسس 15 جەلتوقسانعا دەيىن اياقتالۋى ءتيىس.

ساۋلەت دەپارتامەنتى مەن حالىقارالىق قاتىسۋشىلارمەن جۇمىس اتقارۋ دەپارتامەنتى دەمونتاج پروسەسسىنە باقىلاۋ جۇرگىزەدى.

كورمەنىڭ باستى نىسانى «نۇر الەم» سفەراسى بولاشاق مۇراجايى رەتىندە قىزمەتىن جالعاستىرادى.

115 مەملەكەت پەن 22 حالىقارالىق ۇيىمدار قاتىسقان «استانا «ەكسپو-2017» حالىقارالىق مامانداندىرىلعان كورمەسى 10 قىركۇيەكتە اياقتالعانىن ەسكە سالامىز.

الدىن الا بولجام بويىنشا 2 ملن. كەلۋشىلەر كۇتىلگەن، الايدا كەلۋشىلەردىڭ جالپى سانى 3 977 545 قۇرادى.