يراك سوتى رەسەي ازاماتىن دايش ەكسترەميستىك توبىنا قاتىسى بار دەگەن ايىپپەن ءولىم جازاسىنا كەستى، دەپ جازادى Qamshy.kz اقپارات اگەنتتىگى. جەرگىلىكتى بيلىكتىڭ حابارلاۋىنشا، رەسەي تۋماسى 12 قىركۇيەكتە موسۋل قالاسىنداعى وپەراسيا بارىسىندا تۇتقىندالدى.
يراك بيلىگىنىڭ مالىمدەۋىنشە، ەسىمى اتالماعان ەر ادام 2015 جىلدان بەرى بيلىك كۇشىنە قارسى كۇرەسىپ كەلگەن، سونداي-اق ءولىم جازاسىن كەسىلگەن العاشقى رەسەيدەن شىققان جاۋىنگەر.
France-Presse اقپارات اگەنتتىگىنىڭ مالىمەتىنە سۇيەنسەك، 28 جاستاعى سوتتالۋشى ماسكەۋدە ءجۇرىپ يسلام ءدىنىن قابىلداعان. يراككقا كەلگەندە ءوزىن ءابۋ ياسمينا ءال-رۋسي دەپ اتادى.
موسۋلدى ازات ەتۋ وپەراسياسى بارىسىندا دايش-تىڭ 100-گە جۋىق جاۋىنگەرى ۇستالدى. بۇدان بولەك، يراك بيلىگى بۇگىندە 1400-گە جۋىق شەتەلدىك ايەلدەر مەن بالالاردى ۇستاپ وتىر.
