دەموكراتيالىق كۇشتەردىڭ "قازاقستان-2050" جالپىۇلتتىق كواليسياسىنىڭ وتىرىسىندا ءماجىلىس دەپۋتاتى ب.ەرتايەۆ قارۋلى كۇشتەردىڭ ارداگەرلەرى ەش كۇماندانباي ەلباسىنىڭ شەشىمىن قولدايتىنىن ايتتى دەپ حابارلايدى Qamshy.kz اقپارات اگەنتتىگى. 

"ءبارىمىز بىلەتىندەي، 2017 جىلعى 12 ساۋىردە مەملەكەت باسشىسى نۇرسۇلتان ءابىش ۇلى نازاربايەۆ تاريحي مالىمدەمە جاسادى. ەندى مەملەكەتتىك ءتىلىمىزدى وراسان زور رەفورما كۇتىپ تۇر، ول – لاتىن قارپىنە كوشۋ.

ارداگەرلەر ۇيىمدارى ءارقاشان ەلىمىزدەگى باستى قوعامدىق ماڭىزدى وقيعالاردىڭ الدىڭعى قاتارىندا بولدى. ءبىز وتانعا دەگەن ماحابباتىمىزدى تالاي رەت دالەلدەگەنبىز. جانە وسى ساتتە، ءبىز – قارۋلى كۇشتەردىڭ ارداگەرلەرى ەش كۇماندانباي ەلباسىنىڭ وسى شەشىمىن دە قولدايمىز.

ويتكەنى، مەن، اسكەري ادام رەتىندە، جەڭىستىڭ ءۇش تۇعىرى بار ەكەنىن بىلەمىن. ولار: ناقتى ستراتەگيا، جەڭىسكە دەگەن سەنىم جانە، مىندەتتى تۇردە، ادال اسكەر" دەدى دەپۋتات.