دەموكراتيالىق كۇشتەردىڭ "قازاقستان-2050" جالپىۇلتتىق كواليسياسىنىڭ وتىرىسىندا قحكپ حاتشىسى، دكۇك مۇشەسى، ق ر پارلامەنت ءماجىلىسىنىڭ دەپۋتاتى جامبىل احمەتبەكوۆ ءسوز سويلەدى، دەپ حابارلايدى Qamshy.kz اقپارات اگەنتتىگى. ونىڭ ايتۋىنشا، ءتىلدى جاڭعىرتۋ ماسەلەسى ەلىمىزدىڭ باسەكەگە قابىلەتتىلىگى مەن يننوۆاسيالار دەڭگەيى، مەملەكەتتىڭ ينۆەستيسيالارعا تارتىمدىلىعى مەن اشىقتىعى، ادام كاپيتالىنىڭ دامۋى سياقتى ستراتەگيالىق ماسەلەلەرمەن تىكەلەي بايلانىستى.

«قازاقستاندىق كوممۋنيستەر لاتىن ءقارپىنىڭ قازاق تىلىنە ورالۋىن قۋانا قارسى الادى.

ءبىزدىڭ ويىمىزشا، لاتىن قارپىنە كوشۋ ارقىلى مەملەكەتىمىز الەمنىڭ كوپتەگەن ەلدەرىنە اشىعىراق جانە جاقىنىراق بولادى، ويتكەنى قازىرگى زاماندا مەملەكەتتەردىڭ 75%-دان استامى لاتىن گرافيكاسىن قولدانادى.

قازىرگى تاڭدا الەمدە 6 تۇركى مەملەكەتى بار. قازاقستان لاتىن ءقارپىن قولداناتىن بەسىنشى مەملەكەت بولادى. قازاقستاننىڭ ءازىربايجان، تۇركيا، وزبەكستان مەن تۇرمەنىستان سياقتى ورتا ازيا جانە كاسپيي تەڭىزى اۋماعىنىڭ مەملەكەتتەرىمەن ودان ءارى جاقىنداسۋى مەن قارىم-قاتىناستارىنىڭ كۇشەيۋى، بۇل – ينتەگراسيا مەن كورشىلەس قارىم-قاتىناستاردىڭ كۇشەيۋى بولىپ تابىلادى.

مەنىڭ ويىمشا، لاتىن قارپىنە كوشۋدىڭ بارلىق العى شارتتارى بار. بىزدە 100% جاپپاي ساۋاتتىلىق، كۇندەلىكتى ومىردە ۇيالى تەلەفوندى، ينتەرنەتتى قولدانۋ بارىسىندا ءاربىر قازاقستاندىق دەرلىك ءىس جۇزىندە  لاتىنشا جازادى جانە وقيدى .

«رۋحاني جاڭعىرۋ» باعدارلاماسى جارىققا شىققان بويدا ءبىز ەلىمىزدىڭ ايماقتارىنا ساپار شەگىپ، ءوڭىر تۇرعىندارىمەن كوپتەگەن كەزدەسۋلەر وتكىزىپ، قازاقستاندىقتاردىڭ اتالعان باعدارلاماعا قىزىعۋشىلىق تانىتقاندىقتارىن جانە  ءبىرىنشى كەزەكتە مەملەكەتتىك ءتىلدىڭ لاتىن قارپىنە كوشۋ ماسەلەسىنە قولداۋ ءبىلدىرىپ وتىرعاندىقتارىن كوردىك.

وتانداستارىمىزدىڭ باسىم كوپشىلىگى ەلباسىنا قولداۋ بىلدىرۋدە جانە لاتىن قارىپنە كوشۋ ءۇردىسىن قاجەت دەپ ەسەپتەيدى.

كۇنى كەشە عانا پارلامەنتتىك تىڭداۋدا جاڭا قازاق الىپبيىمەن تانىسىپ، ءبىز – كوممۋنيستەر، پارتيالاستارمەن بىرلەسە ونىڭ باسىمدىلىقتارى مەن مۇمكىندىكتەرىن تالقىلاپ، ۇسىنىلعان لاتىن ءقارپىنىڭ  نۇسقاسىن تولىق قولداۋ تۋرالى شەشىمگە كەلدىك.

كوممۋنيستىك حالىق پارتياسى ءوز جۇمىسىندا جاستارعا، اسىرەسە اۋىلدى ەلدى-مەكەندەردەگى جاستارعا ەرەكشە كوڭىل بولەدى.

جالپى، ءبىز بارلىق كۇش-جىگەرىمىزبەن قازاق ءتىلىنىڭ لاتىن قارپىنە كوشۋىن قولداپ، ونىڭ ىسكە اسىرىلۋىن قامتاماسىز ەتۋىمىز قاجەت. ارينە، بۇل جەردە ەڭ نەگىزگىسى بارلىق قوعامدى جۇمىلدىرۋ بولىپ تابىلادى. لاتىن قارپىنە كوشۋ ارقىلى بارلىق تىڭ مۇمكىندىكتەرگە قول جەتكىزەتىنىمىزدى حالىققا ءتۇسىندىرۋىمىز كەرەك. بۇل ءبىزدىڭ ورتالىقتا جانە جەرگىلىكتى جەرلەردەگى ورتاق مىندەتىمىز،

سوندىقتان، مەن قازاقستان كوممۋنيستەرى اتىنان بارلىق ەل ازاماتتارىن جاڭا قازاق ءالىپبيىن ەنگىزۋ جونىندەگى تالقىلاۋلارعا بەلسەندى قاتىسۋعا شاقىرامىن».