دەموكراتيالىق كۇشتەردىڭ "قازاقستان-2050" جالپىۇلتتىق كواليسياسىنىڭ وتىرىسىندا "نۇر وتان" پارتياسى ءتوراعاسىنىڭ ءبىرىنشى ورىنباسارى مۇحتار قۇل-مۇحاممەد لاتىنعا كوشۋ ۇلتىمىزعا قاتىستى ءۇش بىردەي ماسەلەنىڭ وڭ شەشىلۋىنە سەپتىگىن تيگىزەتىنىن ايتتى دەپ حابارلايدى Qamshy.kz اقپارات اگەنتتىگى. 

– ۇلت تاعدىرىنا قاتىستى كەز كەلگەن ماسەلەنى ون ويلانىپ، ءجۇز تولعانىپ، وزىنە عانا ءتان دارحان دانالىقپەن كەمەل شەشىم قابىلدايتىن ەلباسىمىز لاتىن الفاۆيتىنە كوشۋگە كەلگەندە تاعى دا كەمەڭگەرلىك تانىتتى. بۇل تەك ءالىپبي اۋىستىرۋ ەمەس، بار قازاقتىڭ بويىنا انا ءسۇتى، اكە تاربيەسىمەن داريتىن قازاق ءتىلىن زاماناعا ساي جاڭعىرتۋدىڭ كەشەندى جۇيەسىن، دۇرىس سويلەۋ مەن جازۋ مادەنيەتىن قالىپتاستىرۋ دەپ بىلەمىن. ەندەشە لاتىنعا كوشۋ ەلباسىمىز ۇسىنعان «رۋحاني جاڭعىرۋدىڭ» بەرىك ىرگەتاسى دەپ بىلەمىن. لاتىنعا كوشۋ ارقىلى ءبىز ۇلتىمىزدىڭ الەمدىك باسەكەگە قابىلەتتىلىگىن ارتتىراتىن ءۇش ماسەلەنى شەشەمىز. بىرىنشىدەن، اعىلشىن ءالفاۆيتىنىڭ نەگىزىندەگى جاڭا ءقارىپ جۇيەسى جاستارىمىزدىڭ دا جاسامىستارىمىزدىڭ دا اعىلشىن ءتىلىن مەڭگەرۋىن جەڭىلدەتەدى ءارى جەدەلدەتەدى. ەكىنشىدەن، اعىلشىن ءالفاۆيتى مەن ءتىلىن ۇيرەنۋ ارقىلى ءعىلىم-بىلىمنىڭ وسى تىلدە جاسالعان مول قازىناسىن ەركىن يگەرۋگە جول اشادى. ۇشىنشىدەن، جەر جۇزىنە تارىداي شاشىلعان بار قازاقتىڭ باسىن قوسادى. كيريلليسادا جاسالعان بار ادەبي قۇندىلىق تۇگەلدەي كومپيۋتەرلىك نۇسقاعا كوشىرىلەدى. سوندىقتان لاتىنعا كوشۋ ارقىلى رۋحاني بايلىعىمىز سيفرلىق تەحنولوگيا تىلىندە ودان ءارى وركەن جايادى. وسىنى حالىققا ءتۇسىندىرۋدىڭ كوش باسىندا زيالى قاۋىم وكىلدەرى بولۋعا ءتيىس.