سينگاپۋردىڭ جاڭا پرەزيدەنتى بولىپ پارلامەنت سپيكەرى بولعان حاليما ياكوب تاعايىندالدى. بۇل تۋرالى سارسەنبىدە سايلاۋ كوميسسياسىنىڭ ءتوراعاسى ەن ۆاي چۋن مالىمدەدى، دەپ جازادى Qamshy.kz اقپارات اگەنتتىگى.

وسىلايشا 63 جاستاعى ياكوب مەملەكەت پرەزيدەنتى بولعان العاشقى ايەل اتاندى. سونداي-اق پرەزيدەنت تاعى بۇيىرعان مالاي قاۋىمداستىعىنىڭ العاشقى وكىلى.

ەكس-سپيكەردەن بولەك جوعارعى مەملەكەتتىك لاۋازىمعا داۋىسقا تۇسۋگە 4 ۇمىتكەر قاتىسقان، ءبىراق ەكى ۇمىتكەر مالاي قاۋىمداستىعىنان بولماعاندىقتان سايلاۋعا تۇسە العان جوق. وتكەن جىلدىڭ قاراشاسىندا بەكىتىلگەن زاڭناماعا سايكەس سايلاۋعا تەك مالايلىقتار ات سالىسا الادى.

ەرەجەگە ساي، پرەزيدەنتتىككە ۇمىتكەرلەر قانداي دا ءبىر مەملەكەتتىك لاۋازىمدا تاجىريبەسى بار نەمەسە كاپيتالى 500 ميلليون سينگاپۋر دوللارىنان (371 مييليون اقش دوللارى) اساتىن كومپانيانى باسقارعان بولۋى ءتيىس. بيىلعى جىلدىڭ ماۋسىمىندا قابىلدانعان تالاپقا تەك ياكوبتىڭ كانديداتۋراسى سايكەس كەلدى.

ايتا كەتۋ كەرەك، حاليما ياكوب – مەملەكەت پرەزيدەنتى بولىپ سايلانعان العاشقى مۇسىلمان ايەل.