لاتىن الىپبيىنە كوشۋگە قاتىستى «الماتى ستۋدەنتتەر اليانسى» رەسپۋبليكالىق ستۋدەنتتىك قوزعالىسىنىڭ اتقارۋشى ديرەكتورى س. ساندىبايەۆا نۇرسۇلتان نازاربايەۆقا حات جولدادى دەپ حابارلايدى Qamshy.kz اقپارات اگەنتتىگى. ونىڭ ءماتىنى تومەندەگىدەي.
"ءبىز، الماتى قالالىق «ستۋدەنتتەر اليانسى» ۇيىمىنىڭ مۇشەلەرى، ءسىزدىڭ «بولاشاققا باعدار: رۋحاني جاڭعىرۋ» اتتى ماقالاڭىزدا كورسەتىلگەن ماقساتتار مەن ۇستانىمدارعا قولداۋ بىلدىرەمىز.
بۇگىنگى جاستار اراسىندا سالاۋاتتى ءومىر سالتى مەن ءبىلىمدى بولۋ ۇلگىگە اينالىپ، ولار جاڭا كاسىپ يگەرىپ، اعىلشىن ءتىلىن مەڭگەرۋگە بار كۇش-جىگەرىن جۇمساپ ءجۇر.
لاتىن الىپبيىنە كوشۋ زامان تالابى ەكەنىن جاس بۋىن بار نازارىمەن ۇعىنادى. بۇگىنگى تاڭدا ۇلگى رەتىندە ۇسىنىلعان لاتىن ءالىپبيىنىڭ نۇسقاسى الەۋمەتتىك جەلى قولدانۋشىلارى اراسىندا بەلسەندى قولدانىسقا ەنىپ جاتىر.
الەمدىك ەكونوميكالىق، عىلىمي كەڭىستىككە ەنۋىمىزدىڭ العىشارتى ءالىپبيىمىزدىڭ لاتىن قارپىنە اۋىسۋ بولعاندىقتان، ءبىز ءسىز باستاعان لاتىن ارپىنە كوشۋ جوباسىن تولىعىمەن قولدايمىز.
ءسىز مەجەلەگەن XXI عاسىردىڭ الەمدىك كارتاسىندا ەشكىمگە ۇقسامايتىن، دەربەس ورنى بار مەملەكەت، تاريحي ءتۇبى ءبىر تۇركى ەلدەرىنىڭ ءبىرى ءارى بىرەگەيى ەكەندىگىمىزدى انىقتايتىن لاتىنداندىرۋ جوباسىنا قولداۋ بىلدىرەمىز ءارى سول ماقسات جولىندا ايانباي ەڭبەك ەتەمىز.
ولاي بولسا، ءسىزدىڭ سىندارلى ساياساتىڭىزعا ءارقاشان قولداۋ ءبىلدىرىپ، قازاق ەلىنىڭ جالىندى جاستارىنا ارتقان سەنىمىڭىزدى اقتاۋعا ۋادە بەرەمىز" دەپ جازدى «الماتى ستۋدەنتتەر اليانسى» رەسپۋبليكالىق ستۋدەنتتىك قوزعالىسىنىڭ اتقارۋشى ديرەكتورى س. ساندىبايەۆا.
