«Ramada Plaza Astana» قوناق ءۇي كەشەنىندە «ءدىني ەكسترەميزم مەن تەرروريزمنىڭ الدىن الۋ ماسەلەلەرىندە قوعامدىق ينستيتۋتتاردىڭ ءرولى» تاقىرىبىندا رەسپۋبليكالىق كونفەرەنسيا ءوتتى دەپ حابارلايدى Qamshy.kz اقپارات اگەنتتىگى.

ءىس-شارا قازاقستان رەسپۋبليكاسىندا ءدىني ەكسترەميزم مەن تەرروريزمگە قارسى ءىس-قيمىل جونىندەگى 2013-2017 جىلدارعا ارنالعان مەملەكەتتىك باعدارلاما شەڭبەرىندە ىسكە اسىرىلدى.

كونفەرەنسيانىڭ ماقساتى – ءدىني ەكسترەميزم مەن تەرروريزمگە جانە ونىڭ قاۋىپ-قاتەرىنە ۇكىمەتتىك ەمەس ۇيىمداردىڭ، سونىڭ ىشىندە قوعامنىڭ نازارىن اۋدارۋ، سونداي-اق ولاردىڭ قازاقستاندا تاراتىلۋىن الدىن الۋ.

كونفەرەنسيانى قازاقستان رەسپۋبليكاسى ءدىن ىستەرى جانە ازاماتتىق قوعام ۆيسە-مينيسترى بەرىك ساقباي ۇلى ارىن قۇتتىقتاۋ سوزىمەن اشتى.

«ءدىن سالاسىندا ورىن الىپ وتىرعان وزگەرىستەردەن تۋىندايتىن                                      قاۋىپ-قاتەرلەر بىزدەن سايكەسىنشە ارەكەت ەتۋدى جانە ءتيىستى شارالاردى قابىلداۋدى تالاپ ەتەدى. ءبىزدىڭ باستى قۇندىلىعىمىز – ەلىمىزدىڭ تۇراقتىلىعى مەن بەيبىت ءومىرى – ءدىني ەكسترەميزم مەن تەرروريزمنىڭ الدىن الۋداعى ازاماتتىق قوعام ينستيتۋتتارىمەن بىرلەسكەن ءتيىمدى جۇمىسىمىزدىڭ مىزعىماس ىرگەتاسى بولىپ تابىلادى»،- دەا اتاپ ءوتتى  ۆيسە-مينيستر.

جالپى كونفەرەنسياعا 120-دان استام ادام قاتىستى، ولاردىڭ ىشىندە مۇددەلى مەملەكەتتىك ورگاندار، دەسترۋكتيۆتى ءدىني اعىمداردان زارداپ شەككەن تۇلعالارمەن الدىن الۋ جانە وڭالتۋ سالاسىندا قىزمەت ەتەتىن ۇكىمەتتىك ەمەس ۇيىمدار،  مادەنيەت جانە سپورت سالاسىنداعى قوعامدىق، جاستار ۇيىمدارىنىڭ جانە جوعارى وقۋ ورىندارىنىڭ وكىلدەرى جانە ت.ب. بار.

شارانىڭ ماڭىزدىلىعىن ەسكەرە وتىرىپ، سپيكەرلەر رەتىندە ق ر پارلامەنتى ءماجىلىسىنىڭ دەپۋتاتى باقىتبەك سماعۇل، ق ر پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعى مەڭگەرۋشىسىنىڭ ورىنباسارى شاۋەنوۆ ەربول سولتىبەك ۇلى جانە باسقالار شاقىرىلدى.

وڭالتۋ جۇمىستارىنىڭ تەولوگيالىق جانە پسيحولوگيالىق اسپەكتىلەرى كونفەرەنسيا بارىسىندا بەدەلدى  تەولوگتار جانە ءدىني بىرلەستىكتەردىڭ وكىلدەرىنىڭ، ونىڭ ىشىندە ن.وتپەنوۆتىڭ، د.بايدەكتىڭ، ش.كەرىمنىڭ، ا.ءسابديننىڭ باياندامالارىندا قوزعالدى.

كونفەرەنسيا كەزىندە ازاماتتاردىڭ، ونىڭ ىشىندە جاستاردىڭ، سونداي-اق سپورت وكىلدەرىنىڭ دەسترۋكتيۆتى ءدىني اعىمدارعا تارتىلۋ سەبەپتەرى مەن مەحانيزمدەرى ماسەلەلەرى قاراستىرىلىپ،  جالعان ءدىني اعىمداردىڭ سيپاتتامالارى جانە ت.ب. ماسەلەلەر قوزعالدى.

وڭالتۋ جانە كەڭەس بەرۋ ورتالىقتارىنىڭ وكىلدەرى دەسترۋكتيۆتى ءدىني اعىمداردىڭ ۇستانۋشىلارىمەن الدىن الۋ جۇمىستارىنداعى ىس-تاجىريبەلەرىمەن  ءبولىستى.

«قازاقستان جاستارىنىڭ كونگرەسى»، «قازاقستان كۆن وداعى» رجقب ءتارىزدى جاستار قاناتىنىڭ وكىلدەرى جانە باسقالارى جاس ۇرپاقتى ۇلتتىق ءداستۇر، پاتريوتتىق سەزىم اياسىندا، سونداي-اق سپورت پەن ونەرگە باۋلۋ ارقىلى تاربيەلەۋ ماڭىزدىلىعىن اتاپ ءوتتى. 

جالپى، كونفەرەنسيا كونسترۋكتيۆتىك رۋحتا وتكىزىلدى، ءتۇرلى قوعامدىق ينستيتۋتتار وكىلدەرى حالىق اراسىندا، ونىڭ ىشىندە جاستار اراسىندا ءدىني ەكسترەميزم مەن تەرروريزمنىڭ الدىن الۋىنا باعىتتالعان جۇمىستاردى جاقسارتۋ بويىنشا وزدەرىنىڭ ۇسىنىستارىن جەتكىزدى جانە تاجىريبەلەرىمەن ءبولىستى.