جەلىدە 18 قىركۇيەكتەن 19 قىركۇيەككە قاراعان ءتۇنى ورىن العان جول-كولىك اپاتىنىڭ فوتوسى جاريالاندى. بۇل تۋرالى Qamshy.kz اقپارات اگەنتتىگى zakon.kz-كە سىلتەمە بەرىپ حابارلايدى.
ەسكە سالساق، كولىك اپاتى الماتى وبلىسىندا «باتىس ەۋروپا-باتىس جۇڭگو» جابىق جولىندا ورىن العان. بەلگىلى بولعانداي، Range rover اۆتوكولىگى رولىندە 43 جاستاعى الماتىلىق ايەل وتىرعان. كولىك جۇرگىزۋشىسى تۇيەنى قاعىپ كەتىپ سونىڭ سالدارىنان كولىك اۋدارىلعان. وقيعا ورنىندا كولىك جۇرگىزۋشىسى مەن تاعى 3 ادام كوز جۇمدى. تاعى ءبىر ادام اۋرۋحانادا قايتىس بولعان. كولىك اپاتىندا ولگەن جانۋاردىڭ كىمگە تيەسىلى ەكەنى ءالى انىقتالماعان.
