سولتۇستىك كورەيا سىرتقى ىستەر ءمينيسترى لي ەن حو اقش ساياساتىنا جاۋاپ رەتىندە جاڭا سۋتەگى بومباسىنىڭ سىنالاتىنىن مالىمدەدى، دەپ جازادى Qamshy.kz اقپارات اگەنتتىگى.
بۇل تۋرالى كحدر ءسىم باسشىسى جۋرناليستەردىڭ ەل پرەزيدەنتى كيم چەن ىننىڭ «قاتاڭ شارالارى» جايىندا سۇراعىنا جاۋاپ بەردى.
بۇدان بۇرىن كيم چەن ىن اقش پرەزيدەنتى دونالد ترامپتىڭ كحدر-دى تولىعىمەن جويىپ جىبەرۋ تۋرالى ايتقان مالىمدەمەسىن سالىستىرعان.
سولتۇستىك كورەيا باسشىسى ترامپتىڭ سوزدەرى ۇرەي تۋعىزباعانىن، تەك دۇرىس شەشىم قابىلداۋعا سەپتىگىن تيگىزگەنىن ايتتى. سونداي-اق امەريكا پرەزيدەنتىنىڭ شابۋىلدارىن جاي قالدىرمايتىنىن ەسكەرتتى.
«مەن ول شالدىڭ ءۇنىن وتپەن وشىرەمىن»، - دەدى كيم چەن ىن مالىمدەمەسىندە.
ايتا كەتەيىك، اقش پرەزيدەنتى دونالد ترامپ كحدر-عا قارسى قارجىلىق شەكتەۋ شارالارىن كۇشەيتۋ تۋرالى جارلىققا قول قويعان. كحدر اقش-قا نەمەسە اقش وداقتاستارىنا قانداي دا ءبىر ءقاۋىپ توندىرەتىن جاعدايدا، مەملەكەتتى تۇگەل جويىپ جىبەرەتىنىن ەسكەرتتى. سونداي-اق، سولتۇستىك كورەياعا قارسى سانكسيا ەنگىزۋدە قولداۋ كورسەتكەن رەسەي مەن قىتايعا العىس ءبىلدىردى.
سۋتەگى بومباسىن سىناۋ ايماعىندا رادياسيا دەڭگەيىنىڭ جوعارىلاۋى قىتايلىق ماماندارمەن تىركەلگەن. بومبا 3 قىركۇيەكتە سىنالدى.
