استانا قالاسىنىڭ «داۋلەت» سپورت كەشەنىندە قازاقستان رەسپۋبليكاسى ۇلتتىق ۇلانى باس قولباسشىسىنىڭ كۋبوگى ءۇشىن جەكپە-جەك ۇرىستان حالىقارالىق ءتۋرنيردىڭ سالتاناتتى اشىلۋى بولىپ ءوتتى دەپ حابارلايدى Qamshy.kz اقپارات اگەنتتىگى.
اتالمىش شارانىڭ اشىلۋىنا ق ر ىشكى ىستەر ءمينيسترى پوليسيا گەنەرال-پولكوۆنيگى قالمۇحانبەت قاسىموۆ، ۇلتتىق ۇلان باس قولباسشىسى گەنەرال-لەيتەنانت رۋسلان جاقسىلىقوۆ، وفيسەرلەر مەن ساربازدار، ءوزارا قارىم-قاتىناس ورگاندارىنىڭ باسشىلارى، قوعامدىق ۇيىمدار مەن اسكەري-پاتريوتتىق ۇيىمداردىڭ وكىلدەرى، مەكتەپ وقۋشىلارى قاتىستى.
سالتاناتتى اشىلۋ كەزىندە ءسوز سويلەگەن ىشكى ىستەر ءمينيسترى قالمۇحانبەت قاسىموۆ تۋرنيرگە قاتىسۋشىلاردى جارىستىڭ باستالۋىمەن قۇتتىقتاپ، سپورتشىلارعا مىقتى باسەكە تىلەدى.
- جەكپە-جەك ۇرىستى اسكەردىڭ قولدانبالى سپورت ءتۇرى رەتىندە كەڭ ناسيحاتتاپ، اسكەريلەر اراسىندا سپورت پەن سالاماتتى ءومىر سالتىن قالىپتاستىرۋ ماقساتىندا ۇلتتىق ۇلان باس قولباسشىسىنىڭ كۋبوگىنە ارنالعان ءتۋرنيردى وتكىزۋ يگى داستۇرگە اينالدى. ەلباسى نۇرسۇلتان ءابىش ۇلى نازاربايەۆتىڭ «قازاقستان 2050» ستراتەگياسىندا دەنە شىنىقتىرۋ مەن سپورت ۇنەمى مەملەكەتتىڭ ەرەكشە قامقورلىعىندا. بۇل ءۇشىن مەملەكەت باسشىسى مەن ۇكىمەت تاراپىنان ۇلكەن كوڭىل بولىنەتىنى ايتىلعان»، - دەدى ۆەدومستۆو باسشىسى.
بۇدان سوڭ قالمۇحانبەت قاسىموۆ سالتاناتتى شاراعا ارنايى قوناق رەتىندە كەلگەن «ريو-2016» جازعى وليمپيادا ويىندارىنىڭ جەڭىمپازى، بوكسشى دانيار ەلەۋسىنوۆتى ورتاعا شاقىرىپ، ىشكى ىستەر ورگاندارى قىزمەتكەرلەرى اراسىندا بۇقارالىق سپورتتى دامىتۋعا قوسقان ۇلەسى ءۇشىن «ق ر ىشكى ىستەر ورگاندارىنىڭ قۇرىلعانىنا – 25 جىل» كەۋدە بەلگىسىمەن ماراپاتتادى.
اتاپ ءوتۋ كەرەك، ۇلتتىق ۇلان باس قولباسشىسى كۋبوگىنە ارنالعان جەكپە-جەك جارىسى جىل سايىن ۇيىمداستىرىلادى.
بيىل ەلىمىزدىڭ كۇش قۇرىلىمدارى سپورت كوماندالارىنان بولەك رەسەي فەدەراسياسى ۇلتتىق گۆاردياسىنىڭ اسكەرلەرى، جۇڭگو حالىق رەسپۋبليكاسى حالىقتىق قارۋلى پوليسياسى، قىرعىزستان رەسپۋبليكاسى ۇلتتىق ۇلانىنىڭ سپورت كوماندالارى قاتىسۋدا. باس-اياعى 150گە تارتا سپورتشىدان تۇراتىن 15 كوماندا ب ا ق سىناۋدا. تۋرنير ەكى كۇنگە سوزىلماق.
