گەرمانيادا وسى جەكسەنبى كۇنى بۋندەستاگ سايلاۋى وتەدى. بۇل تۋرالى Qamshy.kz اقپارات اگەنتتىگى تاسس-قا سىلتەمە جاساپ حابارلايدى. ونىڭ قورىتىندىسى بويىنشا جاڭا ۇكىمەت جاساقتالماق. ساياسي دوداعا بارلىعى 42 پارتيا قاتىسىپ جاتىر. دەگەنمەن گەرمانيا پارلامەنتىنە تەك 5 پايىزدىق كەدەرگىنى جەڭە بىلگەندەر عانا وتەدى. نەمىس حالقى جاڭا كانسلەردى دە تاعايىندايدى. بۇل لاۋازىمعا ۇسىنىلعانداردىڭ ىشىندە باس فاۆوريتتەر انگەلا مەركەل جانە مارتين شۋلس.
ەلدەگى ەڭ تانىمال پارتيالاردان شىققان كانديداتتاردىڭ باسقا ۇمىتكەرلەرگە قاراعاندا مۇمكىندىكتەرى جوعارى. ساراپشىلاردىڭ پىكىرىنشە، مەملەكەتتى باسقارۋدى قازىرگى كانسلەر مەركەل جالعاستىرۋى مۇمكىن. ويتكەنى سايلاۋالدى تەلەپىكىرسايىستا ول ءوزىنىڭ قارسىلاسىن شاڭ قاپتىرعان. ال كەيبىرى اسىقپاي ساياسي ناۋقاننىڭ رەسمي قورىتىندىسىن كۇتۋگە شاقىردى.
