بۇگىن سەمەي قالاسىندا ۇلت كوسەمى ءاليحان بوكەيحاننىڭ ەسكەرتكىشى اشىلدى، - دەپ حابارلايدى Qamshy.kz اقپارات اگەنتتىگى. ەسكەرتكىشتىڭ اشىلۋىنا وبلىس اكىمدىگىنىڭ باسشىلىعى مەن زيالى قاۋىم وكىلدەرى، رەسپۋبليكالىق «اق جول» پارتياسىنىڭ مۇشەلەرى قاتىسىپ، ءسوز سويلەدى. ەسكەرتكىشتىڭ اۆتورى باقىتبەك مۇحامەدجانوۆ.

ەسكەرتكىشتىڭ اشىلۋىنا جينالعان حالىقپەن بىرگە پارلامەنت ءماجىلىسىنىڭ دەپۋتاتى، «ەگەمەن قازاقستان» گازەتى اق باسقارما ءتوراعاسى، حالىقارالىق تۇركى اكادەمياسىنىڭ پرەزيدەنتى دارحان ءقىدىرالى، گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى ديحان قامزابەك ۇلى، پروفەسسورى عاريفوللا ەسىم شقو اكىمىنىڭ ءبىرىنشى ورىنباسارى نۇرىمبەت ساقتاعانوۆ، سەمەي قالاسىنىڭ اكىمى ەرماك ءسالىموۆ ت.ب. قاتىستى. ۇلت كوسەمىنىڭ ەسكەرتكىشىنىڭ اشىلۋ سالتاناتىنا كەلگەن بەلگىلى جازۋشىلار مەن اقساقالدار ىزگى تىلەكتەرىن ءبىلدىردى.

ەسكە سالا كەتەتىن بولساق، 2012 جىلى پارلامەنت تاريحىندا الاش ارىستارىن العاش اتاپ، دەپۋتاتتىق ساۋال جاساعان   «اق جول»  پارتياسى 2015 جىلى  تاعى دا ۇكىمەتكە وسى ماسەلەگە بايلانىستى دەپۋتاتتىق ساۋال جولداعان ەدى. ونى  پارتيا ءتوراعاسى ازات پەرۋاشيەۆ جاريالاعان.  وندا الاشوردانىڭ استاناسى بولعان سەمەيدى الاش قالاسى دەپ اتاۋ، سول قالادا الاش ۇكىمەتىنىڭ باسشىسى ءاليحان بوكەيحانعا ەڭسەلى ەسكەرتكىش ورناتۋ جونىندە ۇسىنىستار ايتىلىپ ەدى.

فوتو inform.kz سايتىنان الىندى.