ءبىلىم جانە عىلىم ءمينيسترى ەرلان ساعادييەۆ مەكتەپتە ۇلدار مەن قىزداردى بولەك وقىتۋعا قاتىستى ءوز ويىن ءبىلدىردى،  -  دەپ حابارلايدى Qamshy.kz اقپارات اگەنتتىگى.

سەناتتا وتكەن پارلامەنتتىك تىڭداۋ كەزىندە دەپۋتات سارسەنباي ەڭسەگەنوۆ مينيستر ەرلان ساعادييەۆتەن مەكتەپتە قىزدار مەن ۇلداردى بولەك وقىتۋعا بايلانىستى پىكىرىن سۇراعان ەدى. 

"تاربيەسىز ءبىلىمنىڭ زياندىلىعى، ءتىپتى قاۋىپتىلىگى تۋرالى ورتا عاسىردا ءومىر سۇرگەن ويشىلدار ايتىپ كەتكەن. مەكتەپتەگى ءبىلىم بەرۋ تاربيەسىمەن بىرگە ءجۇرۋ كەرەك دەپ ويلايمىن. ءبىزدىڭ رۋحاني جاڭعىرۋدا ايتىلعان ۇلتتىق كودتى ەنگىزۋدە تاربيەنىڭ بەرەرى كوپ. وسى ورايدا سوڭعى كەزدەرى ءبولىپ وقىتۋ ماسەلەسى، اسىرەسە، قىز بالالارعا ارنالعان مەكتەپتەر جايى ايتىلۋدا. ونىڭ عىلىمي نەگىزدەرى دە جازىلىپ ءجۇر"، — دەدى دەپۋتات ەرلان ساعادييەۆ. 

ءبىلىم جانە عىلىم ءمينيسترى ەرلان ساعادييەۆ بۇل ۇسىنىستى قولدامايتىنىن ءبىلدىردى.  

"باسقا مەملەكەتتەردە قالىپتاسقان ءداستۇر بار. ءبىراق قىزدارعا، ۇل بالالارعا ارنالعان مەكتەپتەردىڭ قازاقستاندا بولعانى دۇرىس ەمەس. بىزدە ونداي ءداستۇر بولماعان. سولاي جاسايمىز دەسەك، الدىمەن قوعامدا ۇلكەن پىكىرتالاس جۇمىستارىن جۇرگىزۋ كەرەك"، — دەپ ايتتى ەرلان ساعادييەۆ.